紅椒力量

营业中

休息中

之前都有聽過依間餐廳，不過就冇食過。喺門口睇睇佢哋嘅餐牌，選擇都幾多🤔🤔除咗有星馬泰之選，仲有中式小菜，就連西式嘅扒餐都有！咁即係基本上滿足到唔同人嘅喜好啦😁😁今次晚餐，叫咗泰式二人粉麵套餐每人揀一碗麵，可以選擇唔同嘅湯底，我就揀咗冬陰功😁😁 另外可以揀一款小食，同埋一款炒蔬菜，再加埋每人一杯嘢飲✨✨對自己好啲，揀埋特飲，都係$200有找😊😊感覺上算好經濟實惠冬陰功湯味道酸酸辣辣，但係唔會超級辣，都幾好飲，仲有少少菇，令到碗金邊粉口感更豐富。佢哋嘅扎肉幾彈牙，有少少似魚蛋，幾得意😋 金邊粉嘅份量都幾多，同芽菜一齊食，正呀😁我叫咗青檸梳打，夠晒氣，甜甜酸酸，都幾唔錯。至於菜方面，就揀咗馬拉盞炒通菜，份量都幾多，而且菜唔老，夠晒新鮮👍🏼👍🏼食埋套餐嘅沙嗲串，都真係幾飽幾滿足沙嗲醬幾香濃，而且肉燒到表面香脆👍🏼整體來講成餐飯都食得好開心呀，出餐都幾快，而且員工都好樂於解答問題，唔錯唔錯。