火五越式牛肉粉專門店 (其昌樓)

营业中

休息中

又嚟咗呢度外賣一啲越南菜式🇻🇳返屋企做晚餐🍽, 我鍾意佢選擇多, 價錢經濟實惠, 而且份量大 (點飯類或者檬粉係可以免費加大㗎😜)！見到餐牌出咗個新嘅《一人套餐》, 於是就叫咗嚟試吓~ 另外仲點咗香茅豬頸肉油香飯、意大利黑醋汁蒜蓉牛油雞翼《一人套餐》🔸主食、小食、飲品各選一項𓌈˒˒ 扎肉撈檬粉 - 撈埋魚露, 酸酸甜甜又有少少辣, 幾開胃的~ 另外仲有青瓜絲🥒、蘿蔔絲🥕做配料, 食落幾清新~𓌈˒˒ 峴港炸魚餅 - 兩面炸至金黃色, 口感爽口彈牙, 魚肉味香, 醮一些酸酸甜甜嘅魚露汁, 更加滋味~ 配埋巨峰提子梳打🍇, 好解渴, 涼透心！𓌈˒˒ 香茅豬頸肉油香飯豬頸肉好爽口, 燒得好香, 香茅味十足, 調味唔錯呢~ 配料有生菜、香蔥、炸蒜片等等, 油香飯好夠味, 有雞油香, 呢碗飯真係好大碗, 男士食都夠晒飽肚！𓌈˒˒ 意大利黑醋汁蒜蓉牛油雞翼 - 雞翼炸得夠香脆, 外層淋咗黑醋汁同蒜蓉牛油, 香口又惹味！