影片
更多
2021-05-07
156 浏览
辛苦工作都係想食好D! 今日去開尖沙咀做野，行過見到有Semi Buffet Lunch Salad Bar咁正價錢又OK就中咗入去享受下~Something Wild – The Farm，聽個名都覺得佢健康，原來食材都係用本地農場種植有機蔬菜架! LUNCH SET睇落樣樣都唔錯，但同事話難得出嚟做野想食好D，所以就點咗個西冷扒再配埋個大啡菇意大利飯share食，所有午餐都配有自助沙津甜品吧，都係200蚊唔洗，真心抵食!點餐後店員已送上餐包及餐湯，餐包都有兩款唔同味道，好味!香烤紐西蘭西冷扒，我地揀咗5成熟，牛肉味濃，熟度剛好，一咬落去有咬口又唔會太韌，而且肉汁亦鎖緊在肉扒內，牛魔王必愛，粗薯條炸得時間剛好，爽口香脆!大啡菇蕎麥忌廉汁意大利飯，意大利飯粒唔會太硬有咬口，粒粒飯都沾滿忌廉汁，好入味，加埋大啡菇的菇味恰到好處，清清地又唔會太漏，好味道!加錢要多兩杯特飲: 熱黑糖桂圓蕎麥，有埋配料，甜甜地感覺滋潤桃膠雪燕紅棗，養顏美肌之選，好似食左碗糖水般潤澤健康加埋個自助沙津吧，無得輸! 食物選擇多，有沙津生菜，水果，蛋糕仔，火腿凍肉，煙三文魚，餐湯無限添飲，連日式的前菜，帶子綑邊，中
今日去開尖沙咀做野，行過見到有Semi Buffet Lunch Salad Bar咁正價錢又OK就中咗入去享受下~
Something Wild – The Farm，聽個名都覺得佢健康，原來食材都係用本地農場種植有機蔬菜架!
LUNCH SET睇落樣樣都唔錯，但同事話難得出嚟做野想食好D，所以就點咗個西冷扒再配埋個大啡菇意大利飯share食，所有午餐都配有自助沙津甜品吧，都係200蚊唔洗，真心抵食!
點餐後店員已送上餐包及餐湯，餐包都有兩款唔同味道，好味!
香烤紐西蘭西冷扒，我地揀咗5成熟，牛肉味濃，熟度剛好，一咬落去有咬口又唔會太韌，而且肉汁亦鎖緊在肉扒內，牛魔王必愛，粗薯條炸得時間剛好，爽口香脆!
大啡菇蕎麥忌廉汁意大利飯，意大利飯粒唔會太硬有咬口，粒粒飯都沾滿忌廉汁，好入味，加埋大啡菇的菇味恰到好處，清清地又唔會太漏，好味道!
加錢要多兩杯特飲:
熱黑糖桂圓蕎麥，有埋配料，甜甜地感覺滋潤
桃膠雪燕紅棗，養顏美肌之選，好似食左碗糖水般潤澤健康
加埋個自助沙津吧，無得輸! 食物選擇多，有沙津生菜，水果，蛋糕仔，火腿凍肉，煙三文魚，餐湯無限添飲，連日式的前菜，帶子綑邊，中華沙津都有，賣相仲相當唔錯，食飽主菜，再食埋水果，大滿足!
工作忙到一頭煙，過嚟食過豐富午餐，輕鬆一下，叉足電再拼過!
张贴
