Sky726

黎開旺角，見到呢間餐廳拎過好多年必吃食店，睇圖又有勁靚海景嘅sky726，既然地點又咁方便，就決定同朋友黎呢度試下喇！朋友就叫左set dinner,雖然價錢睇落好似唔算平，但包左勁多野食同食落係好有心機嘅。首先有煙三文魚忌廉杯，好有分子料理嘅感覺，估唔到呢個價錢都可以食到咁有心機嘅菜式。仲有個餐湯係西蘭花忌廉湯，飲落好creamy ～主菜方面叫左個板燒羊T骨，朋友就叫左個燒慢煮16小時辣豬肋骨，兩個都燒得好好好惹味，特別燒肋骨好嫰好juicy👍🏻甜品方面有抹茶奶凍，鐘意食甜味奶味嘅未必鐘意食，但鐘意茶味比較濃嘅人（我）就覺得岩岩好喇👍🏻另外再叫左個超打卡able嘅朱古力波波，好睇又好玩，但呢個甜品嘅酒味比較濃，唔飲得酒嘅朋友仔要小心喇～不過呢個景真係好正，喺旺角鬧市中食到咁嘅有儀式感嘅西餐已經好唔錯！