龍亭

網上睇到介紹，見到佢都幾抵，所以決定一試。喺佐敦舊街嘅入邊隱藏住呢一間鐵板燒店，門口比較隱蔽，入到入面，座位比較少，不過充斥住一陣好香嘅鐵板燒味。吧枱已經full晒，所以我哋坐咗喺附近嘅二人枱。首先叫咗一支梅酒飲。因為我同朋友今日都唔算肚餓，所以就冇叫set散叫咗半打燒蠔，燒牛肉，同埋一個海膽炒飯。全部菜式嘅賣相都好精緻，同埋超級好味。只係上菜時間比較耐，可能師傅比較少，同埋佢哋認真烹調料理，但係呢個等待值得嘅。我大推嘅係海膽炒飯♥️係我人生食過最好食嘅海膽炒飯，估唔到佢會加咗滿滿嘅魚子，海膽嘅份量都好多，炒飯入面都好有味，唔好睇佢細細碗，食物嘅份量其實都足夠，食到好飽。下次一定會再帶朋友嚟食呢間，試埋佢哋其他嘢食。