正九清湯腩．冰室 (美輪大廈)

营业中

休息中

昨晚一個人食晚餐，行經呢間「正九清湯腩」，突然間觸發咗我味蕾，好想食牛筋牛腩，於是走入去試試先。呢間除咗有招牌牛腩、各款粉麵賣之外，晚市還有鑊氣小炒和焗飯等等。🥢 清湯牛三寶河粉牛三寶分別有牛筋、牛腩和牛肚。湯底味道清甜，唔會搶走主角嘅味道，牛腩炆到夠晒軟爛入味、牛筋又彈牙，加埋脆嫩爽口嘅牛肚，再配上爽滑嘅河粉，簡直係人間美食。🥢 炸魚皮另外叫咗我嘅必配嘅炸魚皮，呢度啲炸魚皮相當大碟，而且價錢又唔貴，魚皮炸到好香脆，我喜歡浸落啲湯度幾秒，再攞上嚟食，另有一番滋味。🥢 腐乳通菜見好耐冇食過腐脆通菜，叫番碟嚟試試先，啲通菜灼到剛剛好，唔會太腍身，啲莖仲係爽脆，配埋香濃嘅腐乳醬，食到停唔到口添🤪🥢 凍檸賓利賓納唔會過甜，配合埋酸爽嘅檸檬，而且又夠冰凍，感覺超正。