蒙麵

营业中

休息中

之前係poly 讀書果陣，已經成日幫襯呢間嘢，印象中17-19蚊可以食個下午茶。不過後尾畢業就好少去，再想食先發覺已經結業。所以都有d 懷念。前幾日經過紅磡做facial，發現竟然搬左去差館里再開番，即刻走去試下。煮麵師傅換左人，都係照舊order 番茄薯仔湯底，車仔麵餸同之前差唔多，揀左招牌牛腩，蛋角同生菜。碗麵一上黎，覺得好驚喜，試一啖湯，好鮮甜，好濃郁。再睇下牛腩，好大舊，又唔會肥，悶得好好食，好入味。yes，就係呢個味道。太好啦！不過可惜蛋角凍左，覺得味道麻麻，至正係個蕃茄薯仔湯底，最尾飲駛成碗，好舒服。希望呢d 細鋪頭多d 人幫襯，長做長有啦！