雄記美食

营业中

休息中

唔係放假，我相信我都冇機會可以食到。首先今日嚟到佢有開，係一件值得感恩嘅事，因為佢係不定期會休息。目擊一位客戶問職員，你哋幾時係休息？職員都好謙虛咁答佢「我哋鍾意就休息㗎啦」😂第一次嚟，就一定要食佢馳名嘅咖喱牛腩煎腸粉，加咗錢要加隻蛋去煎腸粉。咖喱牛腩整得好腍好入味，煎腸粉一定要加蛋，真係特別好味，我仲夠膽死挑戰佢嘅辣度嗌咗個中辣，嘢食未到之前聽到隔籬枱有個女人話，上次嗌中辣食完搞到胃痛，我個心已經滴汗。結果，佢冇呃我，真係辣到標汗，亦都辣到食唔晒🥵。腐竹糖水好好味，同埋好快賣晒。呢間舖頭好細，但有好多打卡位，都係以懷舊為主。