龍亭

龍亭的裝潢融入金屬元素，設計神秘的日式鐵板燒餐廳，由日本來港的日籍廚師主理，主打親民價食日式鐵板燒，即燒海鮮、肉扒高質吸引外，師傅更追求精緻法國菜神髓，每碟擺盤都恰 如藝術品。主打高質omakase，價錢豐儉由人，5 courses只係$588; 7 courses $788，兩款套餐均包括沙律、海鮮、肉品、炒飯同甜品食物用料新鮮，上菜後亦有服務員講解菜式嘅設計理念，你會發現細節滿滿🤩💗沙律係格陵蘭魚子醬煙三文魚沙律，沾上黑醋，咸香爽酸齊集，伴碟既龍珠果甜中帶酸，食完好開胃七道菜套餐先有嘅前菜係🥚日本蘭王蛋白松露醬拌格陵蘭魚子醬，底層係白松露。濃郁嘅蛋香、清香白松露，加埋鮮味魚子醬，似豆腐花咁香滑，好欣賞佢哋有恆溫處理，和和暖咁，餐前食對個胃好舒服～緊接而來係鐵板海鮮，虎蝦大大隻，坐吧枱仲可以睇到師傅點樣起咗成隻蝦出嚟，肉質結實，伴手打嘅蝦頭蝦膏汁，原汁原味咁樣食曬成隻蝦，另外揀左白鱔外皮煎到好香脆，肉質爽嫩，個人認為沽少少七味粉同竹炭海鹽，更加帶出魚嘅鮮味。鮑魚夠晒厚肉大隻,配埋自家製蒜蓉醬果然好惹味，不違和！東星班魚皮煎得甘香,魚肉細嫩,滿滿魚油香,碟旁加入分子料理：蝶豆花海鹽泡泡