影片
更多
2022-08-11
192 浏览
今個月生日，係時候清下bookmark咗嘅餐廳😆餐廳嘅裝修風格以上個世紀嘅香港紡織業為主題，十分特別！秘製花雕豬肚鍋 $168香江花月有好多特色湯底，全部都好吸引，最後揀咗以上乘20年陳釀紹興花雕酒入饌嘅花雕豬肚湯。打邊爐之前，首先梗係要飲返碗湯先，呢個湯底真係勁真材實料，花雕酒同胡椒豬肚湯原來可以咁夾，真係好好飲，啲豬肚多到食極都仲有！華人塔 $688華人塔有齊海鮮、豬肉同牛肉，擺盤好靚，靚到有少少唔捨得食。我好欣賞餐廳好細心咁將隻蟹剪好晒，食嘅時候好方便，而鮑魚同帶子都好爽口鮮甜彈牙。豬肉同牛肉分別卷成花嘅形狀，拆返開每朵花都有七、八片肉，兩樣都好食，但牛肉略勝一籌。七彩餃子 $108單單靠餃子皮嘅顏色係估唔到入面係咩餡，有啲似抽獎咁，要食嗰吓先知道。我最鍾意金華火腿菜肉餃，大家估吓即係乜嘢色？桃花源 $88(後）飲品上面有個桃香味嘅煙燻泡泡，粉紅色嘅乳酸梳打入面加咗自家製嘅桃肉啫喱，真係色香味俱全。鳳瑠香 $68（前）呢杯都有好適合打卡嘅煙燻泡泡，係菠蘿味嘅，酸酸甜甜咁，開胃又消滯！香江花月啲食物勁精緻，餐廳本身又多打卡位，真係好適合特別日子嚟食飯！
餐廳嘅裝修風格以上個世紀嘅香港紡織業為主題，十分特別！
秘製花雕豬肚鍋 $168香江花月有好多特色湯底，全部都好吸引，最後揀咗以上乘20年陳釀紹興花雕酒入饌嘅花雕豬肚湯。打邊爐之前，首先梗係要飲返碗湯先，呢個湯底真係勁真材實料，花雕酒同胡椒豬肚湯原來可以咁夾，真係好好飲，啲豬肚多到食極都仲有！
華人塔 $688
華人塔有齊海鮮、豬肉同牛肉，擺盤好靚，靚到有少少唔捨得食。我好欣賞餐廳好細心咁將隻蟹剪好晒，食嘅時候好方便，而鮑魚同帶子都好爽口鮮甜彈牙。豬肉同牛肉分別卷成花嘅形狀，拆返開每朵花都有七、八片肉，兩樣都好食，但牛肉略勝一籌。
七彩餃子 $108
單單靠餃子皮嘅顏色係估唔到入面係咩餡，有啲似抽獎咁，要食嗰吓先知道。我最鍾意金華火腿菜肉餃，大家估吓即係乜嘢色？
桃花源 $88(後）
飲品上面有個桃香味嘅煙燻泡泡，粉紅色嘅乳酸梳打入面加咗自家製嘅桃肉啫喱，真係色香味俱全。
鳳瑠香 $68（前）
呢杯都有好適合打卡嘅煙燻泡泡，係菠蘿味嘅，酸酸甜甜咁，開胃又消滯！
香江花月啲食物勁精緻，餐廳本身又多打卡位，真係好適合特別日子嚟食飯！
张贴
