飲茶 (南豐大廈)

营业中

休息中

雖然店名字叫飲茶，但店內地方清雅而乾淨，位與位之間空間感夠大。五指毛桃燉雞湯燉湯一d都冇油膩感，除咗五指毛桃，還有紅蘿蔔、雞腳、雞肉，所以飲落好清甜。鴿吞鳳梨可愛鴿子除咗得意之外，外皮有酥軟嘅口感，裡面帶一點微甜嘅鳳梨蓉，可以一啖一口酥。七彩茄子紫色茄子質感唔係腍啤啤，係好爽口，醬汁帶點點甜，茄子夠入味。雞絲拉皮花生醬好香，質感稀杰剛好，拉皮滑嘟嘟，夾埋芝麻同青瓜絲帶爽脆，好香又好味。千島明蝦角蝦角外皮炸得香脆，入口有彈牙嘅蝦肉，蝦肉鮮甜，想豐富味道可以沾上千島醬。螞蟻上樹豬肉碎、辣椒碎、葱蒜粒，令粉絲炒出香味，粉絲每條炒得乾爽，唔油膩又入味，食落辣辣地又有蒜嘅香。乾炒安格斯牛肉河安格斯牛肉，厚切食落有口感，肉質滑又唔韌，河粉炒得均勻入味，炒紫洋蔥同芽菜，除咗爽口之餘，更令河粉增添香氣。芒果布甸布甸入口好香又滑溜，芒果粒甜味，令布甸唔係死甜嗰種。