飲茶 (南豐大廈)

#中環地膽 呢輪成日OT, 夜麻麻想飲茶. 終於比我發現"飲茶" 晚市都有點心, 超級正！ 地點喺中環南豐大廈 , 收工突然想食蝦餃燒賣都有! 啱晒夜鬼同OT完嘅打工仔～  🐷 一籠八戒 $49  叉燒包扮小豬，得意到唔捨得食！咬落去包皮軟熟，叉燒餡甜甜哋，仲有少少肥肉，香口唔膩～  🦐 筍尖鮮蝦餃 $59  皮薄到透光，蝦肉爽到彈牙！加咗筍尖，多咗陣清甜，點啲辣椒油仲正！  🌶️ 紅油抄手 $59  辣得嚟唔嗆喉，麻香味好出！皮滑餡多，一啖一隻，啲汁多到漏出嚟，食到停唔到口～  🍯 黑糖馬拉糕 $49  熱辣辣，黑糖香噴噴！口感鬆軟到好似食緊棉花咁，甜度啱啱好，唔會漏～  🍤 醬翡翠蝦球 $168  蝦球大隻到嚇親人，爽口彈牙！個醬汁甜甜哋，配埋山藥同萵筍，清新得嚟又夠鑊氣～  🐦 脆皮妙齡乳鴿 $18  晚市點小菜加$18就有！皮脆到好似薯片咁，肉質嫩滑又多汁，連骨都入味，超好食～  🍧 紅粉玉露 $59  食完濃味嘢，呢個甜品夠晒清新！番石榴味好出，質地滑溜，仲有啲果肉增加口感，大滿足！  飲茶Yum Cha📍中環德輔道中173號南豐大廈2樓…查看更多

喺中環lunch time一大班同事食飯 最好嘅選擇一定係飲茶 而我就最鍾意行到嚟上環呢間名叫飲茶嘅餐廳度飲茶🤣裏面非常闊落 坐得又舒服 可以上網隨時攞位 十分方便一籠八戒🐷其實就係叉燒包🤣但造型得意，所以一定會叫你打卡 包身鬆軟，入面嘅叉燒餡蜜汁香甜，邪惡但好好味！布拉蝦腸粉腸粉皮超薄滑溜 睇相都見到入面大大隻嘅鮮蝦 蝦肉爽口彈牙🦐干炒安格斯牛肉河你呢度主要係食點心，所以對佢主菜都冇咩特別大嘅期望 結果佢呢個乾炒牛河走好有驚喜 鑊氣十足 🔥安牛肉片夠晒嫩滑 河粉炒得乾身亦唔油膩心太軟豆腐粒外層炸到金黃香脆 咬開入面係軟滑嘅豆腐心 口感似流心 🤤係想食炸物嘅必選每樣嘢都高質又有特色 由主料到點心都做得用心 絕對值得成為大家嘅飯堂👍飲茶 (中環)中環德輔道中173號南豐大廈2樓1-2號舖…查看更多

想同家人休閑食晚飯，不妨可以考慮飲茶😊呢度座位比舊式酒樓闊落，環境亦較寧靜舒適，好適合同家人暢聚🥰🥰🥰點心小菜選擇都唔少☺️如果想簡單唔洗煩仲可以揀套餐😁大部分名菜都試到😉今次就試到特色蒸包：睇住流奶🤩真係流心！奶黃香又甜，包軟熟好食😋另外炒飯都唔錯，炒得乾身，粒粒分明👍🏻海鮮都好多，有帶子同蝦🦐再加上豆角同蟹子，口感豐富😋👫🏻二人餐 ($418)冷盤拼盤 (6選2)•芥末香脆萵筍•招積脆茄子點心 (6選1)•睇住流奶小炒 (9選1)•濃湯蝦乾浸勝瓜飯麵 (5選1)•王子炒飯 (+$20)師傅燉湯 時日精選甜品 (每位+$20)…查看更多

收工兩個人本身想去食點心見到二人餐都幾啱食又幾抵食即刻轉軚食中菜😆✨招積跪脆茄子 - 有驚喜嘅炸茄子✨沙薑燻蹄粒 - 細細粒邊食邊傾好快食晒✨蟹籽鮮蝦燒賣 -鮮蝦爽口即叫即蒸✨師傅燉湯 x 2 - 足料入味滋潤感十足✨鮮鳳梨咕嚕肉 - 必點開胃傳統小菜✨XO醬炒蝦腸粉 - 煎得夠香口唔算辣✨伯爵茶奶凍 - 唔算甜奶味濃✨薑茶湯丸 - 芝麻湯丸配辣薑茶二人餐份量唔算太多但都夠飽味道唔會重口味，唔會過甜過鹹我自己覺得呢餐中菜食得好舒服～而服務態度完全係水準之上環境企理乾淨啱晒多人家庭聚會有老人家同細路都啱食又啱坐之後大時大節可以再到訪😆…查看更多

食物質素普通 普通茶樓也更好食的感覺 性價比不高。最緊要的是服務態度差 攞生日蛋糕 生日蛋糕連紙盒劈在桌面上 所以朋友帶蛋糕離開處理 服務員更無禮地叫：「小姐呀 係咪唔切呀」撇除這環節其他員工服務態度還好，餐廳應要改善服務質素。…查看更多

想夜晚都想搵個坐得舒服 靜靜地同fd飲茶嘅地方? 呢間絕對係首選 無論環境/食物質素/員工嘅友善程度💯✨睇住流奶 $49✨一籠八戒 $49✨鮮蝦菜苗餃 $59✨王子炒飯 $138✨芝麻脆皮吊燒雞 (半隻) $198點心係即叫即蒸 奶皇包同叉燒包造型超可愛😍奶皇包一咬就係爆餡嘅流心奶皇 菜苗餃嘅蝦超大粒🤓王子炒飯炒得粒粒分明 用料絕不馬虎 每啖都有蟹籽 蝦 帶子!!最後上嘅芝麻雞絕對嚇親我 我從來未食過咁正嘅炸子雞😭雞皮勁脆但完全唔肥 上面舖滿哂芝麻勁香口🤩就算連雞胸都好嫩滑 蘸埋配左有炸蒜嘅豉油 好正🫠尋晚食完 到宜家睇翻d相都仲回味緊 要帶爸媽黎食🤗📍地址: 飲茶 中環德輔道中173號南豐大廈2樓1-2號舖…查看更多

位於中上環嘅🌟飲茶 Yum Cha🌟，有得🫖飲茶嘆港式點心之外，仲有唔少小菜♨️可以選擇！菜式加入咗創新嘅元素✨，係新派嘅港式酒樓🫖 ，吸引唔少遊客嚟幫襯🚃！♨️蟹籽鮮蝦燒賣 $68蝦肉同埋豬肉餡都好爽彈，有油香亦有鹹香！🫔香草脆鮮奶 $59一咬即湧出流心炸鮮奶，熱辣辣都幾正！🍋懷舊西檸煎軟雞 $138排列公整嘅西檸雞，軟淋嘅雞肉裹滿甜甜酸酸嘅醬汁，好味又開胃！🥬鮮合百炒露筍 $138露筍、百合、木耳、果仁等多款爽口嘅蔬菜，配埋雜菇，好吃又夠健康！🍜鮮蝦雲吞麵 $68雲吞皮薄又滑，勁爆多餡！湯底清甜麵質彈牙！🫖茗茶 $18/位…查看更多

中上環新派飲茶好地方🫖食嫌左老派茶樓 不妨去飲茶試下😋環境坐得舒服 又有多款特式小菜同埋可愛造型點心卡邦尼小甘筍可愛甘筍造型 有啲似咸水角外層香脆 口感煙韌包住煙肉卡邦尼醬 好新穎嘅配搭金不換雪花牛肉雪花牛肉肉質鬆軟 用上大量金不換 蒜頭爆炒 香口惹味上菜時用上鍋上 保持夠熱 香味飄逸黃金四季豆四季豆口感爽脆 每一條都比咸蛋黃醬包裹住 調味適中令人不自覺地一啖接一啖 邪惡之選😈港式懷舊酥脆蛋散一餐飯必須要有甜品做結尾佢地嘅蛋散真係好推介大家要食炸得好鬆化 唔會食到一口油嘅感覺加上適量糖漿同白芝麻 完美結合😋要讚一讚依到嘅職員好細心 服務好好 又夠主動👍…查看更多

位於中環南豐大廈的「飲茶」，名字簡潔易記，是一家將創意與傳統完美融合的餐廳。這次品嚐的菜色令人驚艷，每一道都展現出廚師的細膩心思與高超技藝。 首推「香茅胡椒大蝦」，蝦肉鮮甜彈牙，香茅與胡椒的香氣層次分明，少辣調味更突顯食材原味，讓人回味無窮。「海膽八寶海鮮豆腐」則是一道奢華之作，海膽的濃郁與海鮮的鮮美完美結合，豆腐滑嫩如絲，入口即化，絕對是必點菜式。「干煸四季豆」鑊氣十足，少辣版本更適合大眾口味，豆角爽脆，搭配微辣香氣，非常下飯。 甜品「香草脆鮮奶」外酥內軟，香草香氣清新，甜而不膩；「筍尖鮮蝦餃」皮薄餡足，蝦肉鮮美，筍尖增添爽脆口感，點心水準不輸專業茶樓。茗茶清香解膩，為整餐畫上完美句點。 服務方面，侍應態度親切，環境舒適，加上合理的價格（人均約$300），性價比極高。無論是朋友聚餐或情侶約會，「飲茶」都是中環區不可錯過的美食選擇！…查看更多

去咗上環呢間特色飲茶嘅餐廳，叫咗以下呢幾款菜式醬皇鳳爪 （$49）夠晒入味，嗌落去啖啖都係濃郁嘅醬香，啲鳳爪夠晒冧老乾媽蘿蔔糕 （$75）香脆嘅外皮加上微辣嘅老乾媽醬，蘿蔔糕本身都夠晒鬆軟，每啖都好惹味椒鹽龍鬚（例） （$98）其中一道必試小食，炸得金黃酥脆，龍鬚彈牙又爽口，加埋椒鹽一齊食，鹹香味爆棚上湯叉燒檬粉（位） （$78）上湯清甜，叉燒唔會太肥，檬粉爽口港式懷舊酥脆蛋散 （$49）香酥有蛋香，味道甜甜地，有種童年回憶嘅感覺鮮百合炒蘆筍 （$138）清甜又爽口，百合新鮮，蘆筍保持咗爽脆口感…查看更多

同中環返工嘅朋友仔黎搵食，發現呢間「飲茶」玩味十足！裝修Modern，有埋塊魔鏡俾你問呢個世界上邊個最靚🪞，仲有開放式廚房睇住師傅即捏點心，未食先IGable～重點係菜式fusion到爆，試完4款心水推薦： .🍑 白桃烏龍茶熱到燶肺衝入嚟，茶底清得嚟有桃香，甜度輕飄飄唔搶戲～.🌶️ 水煮辣牛肉紅油湯底浮滿花椒辣椒，香氣攻鼻但辣得溫柔🌶️ 牛肉片滑嫩，配索汁薯粉，麻香尾韻帶甜，食到「嘶嘶聲」都唔捨得放筷！ .🍍 鮮鳳梨咕嚕肉 咕嚕肉外皮脆到似玻璃糖衣，咬開豬肉爆肉汁，最正係用新鮮鳳梨取代罐頭，酸甜汁掛滿肉仲有果香，下次嚟必encore！.🥢 黃金四季豆（鹹蛋黃版）每條豆都掛滿金沙瀑布，鹹香帶微沙口感，神奇在炸完依然翠綠爽口！食多幾啖都唔油膩，送茶一流✅ .🍎 初嘗禁果熱辣辣蘋果金寶，玉桂味香濃，外形造到紅蘋果，仲有支朱古力百力滋蘋果蘋果椗，勁有心思～ .總結：坐得舒服+價錢中環良心價，菜式有驚喜唔hea做，翻桌率100%！…查看更多

呢餐飯真係充滿驚喜，由鹹香惹味嘅主菜，到造型可愛嘅甜品，都令人留下深刻印象。首先，呢個乾蔥豆豉雞煲一上枱就聞到陣陣撲鼻嘅香味，乾蔥好香。雞肉夠晒腍，醬汁濃郁惹味，送飯一流！炸豆腐粒外脆內軟，炸得啱啱好，唔會太油膩，食唔停口😙甜品方面，不得不提呢個「初嘗禁果」。外型打卡一流，好似真嘅蘋果咁，切開之後，入面係香甜嘅蘋果蓉，好味😋另一個甜品「面都紅埋」亦都非常吸睛！可愛嘅紅豆包造型，真係令人唔捨得食。紅豆餡料甜而不膩，中間仲有麻糬！最後，壓軸出場嘅係「鴿吞鳳梨」，鳥籠造型嘅擺盤好有心思，入面裝住三件小鳥造型嘅鳳梨酥。鳳梨酥外皮酥脆，內餡酸甜，個人大推😍呢餐飯無論係味道定係擺盤都好滿意👍🏻…查看更多

中午临时起意来的，现在可以walk in直接坐下吃了，听说以前不预定根本是没位置的，靠窗的位置可以看到德辅道的街景，比较亮堂，适合坐着聊天。上菜速度非常快，点好之后五分钟就能吃到东西，这一点很赞。茶杯是西式玻璃杯，比传统茶楼的茶杯大一些，适合豪饮。鲜虾肠粉里的虾都是整个包进去的，用料非常扎实。烤乳鸽不错，味道很香，上来的时候还是热的，配了手套可以上手抓着吃。其他茶点也都不错，挺不错的。卡座式的位置，不算特别宽敞。…查看更多

飲茶依家真係唔係老一輩嘅專利依家嘅飲茶真係好有特色，好適合打卡又好味重點係唔使擔心要早起先有得食最特別嘅係佢嘅茶有蜜桃烏龍茶，超級鍾意飲脆皮妙齡乳鴿唔知點解新款點心店都好鍾意用優惠價換購乳鴿但吹佢唔脹又真係幾好食，外皮香脆，啖啖肉卡邦尼小甘筍 (3件)賣相好精緻，紅蘿蔔嘅樣貌味道係卡邦尼當你以為佢好似卡邦尼或者本身鹹水角角咁油膩嘅話，一定有驚喜佢外皮香脆，但係食落唔油膩之餘入面仲唔會有膩嘅感覺，但味道好香海膽八寶海鮮豆腐淨係個海膽都好濃郁，豆腐好滑入面仲有海鮮同埋青豆，口感好豐富鮮百合炒露筍夏威夷果仁 雲耳 蘆筍 青椒 白果 冬菇 食落唔油膩，而且好健康但唔難入口，都係食得最多嘅一款菜式初嘗禁果蘋果批餡，外皮香脆，賣相得意超濃郁嘅肉桂味道，又有蘋果嘅果肉，而且唔油膩鮮蝦雲吞麵鹼水麵加大大粒嘅鮮蝦雲吞食落去啖啖肉…查看更多

中上環飲茶小菜廳😆- 二人套餐 $458沙薑燻蹄粒沙薑味幾出 肉味都有 咸咸香香秦岭高山黑白木耳咬落十分爽口彈牙 開胃師傅燉湯十分之足料 有雞腳 有肉 有杞子 十分養生蜜餞黑椒牛仔骨牛仔骨十分腍身 黑椒味非常香濃 蜜餞個甜味同黑椒個辣味做對沖 送飯一流乾炒安格斯牛肉河啲牛肉都真係食得出幾有牛味 咬落十分軟腍 一啲都唔會韌 河粉都幾滑溜同乾身 又有少少鑊氣 一籠八戒賣相100分 幾可愛 食落係叉燒包 叉燒肉幾多 唔會太肥 個包又軟綿 同個餡嘅比例啱啱好芒果布甸芒果好甜 芒果味十分之出 好味伯爵茶奶凍伯爵茶味香濃 唔會太甜 滑捋捋 幾滿足📍飲茶 中環德輔道中173號南豐大廈2樓1-2號舖…查看更多