影片
更多
2023-03-19
198 浏览
📍龍門客棧 (麗豪酒店) (沙田)放假去沙田行下城門河，食下嘢。上網見到呢間酒店上海菜唔算貴就試下。結果食到近半年食過最好味嘅中菜🤭。💕砂鍋菜膽餛飩雞（半隻) $268職員會幫忙分湯同將雞肉拆骨，服務殷勤細心。餛飩皮薄飽滿，豬肉餡彈牙多汁。蔬菜吸收晒雞湯甜味。兩個人食到尾都唔覺得膩。💕南翔小籠包（四件）$78豬肉餡比起平時食到嘅更加軟滑。底度有紅蘿蔔墊住可以易啲夾起，皮薄但唔易穿，包住大量鮮甜嘅肉汁。好食過上海嘅南翔🤭。💕鮮肉煎鍋貼（四件）$78鍋貼煎得香脆，多汁到好似小籠包🤣。肉餡有少少酒香幾特別。💕蜜汁烤火方 $168腩肉肥瘦均勻， 烤嘅過程吸收晒桂花糖，感覺唔油膩之餘仲多咗一份清香。💕杏仁凍豆腐 $56杏仁豆腐切細後加埋罐頭雜果，再淋上花奶出奇地夾。
放假去沙田行下城門河，食下嘢。上網見到呢間酒店上海菜唔算貴就試下。結果食到近半年食過最好味嘅中菜🤭。
💕砂鍋菜膽餛飩雞（半隻) $268
職員會幫忙分湯同將雞肉拆骨，服務殷勤細心。餛飩皮薄飽滿，豬肉餡彈牙多汁。蔬菜吸收晒雞湯甜味。兩個人食到尾都唔覺得膩。
💕南翔小籠包（四件）$78
豬肉餡比起平時食到嘅更加軟滑。底度有紅蘿蔔墊住可以易啲夾起，皮薄但唔易穿，包住大量鮮甜嘅肉汁。好食過上海嘅南翔🤭。
💕鮮肉煎鍋貼（四件）$78
鍋貼煎得香脆，多汁到好似小籠包🤣。肉餡有少少酒香幾特別。
💕蜜汁烤火方 $168腩肉肥瘦均勻， 烤嘅過程吸收晒桂花糖，感覺唔油膩之餘仲多咗一份清香。
💕杏仁凍豆腐 $56
杏仁豆腐切細後加埋罐頭雜果，再淋上花奶出奇地夾。
张贴
