豆漿大王

营业中

休息中

中式早餐新蒲崗工廠區豆漿大王，好多人排隊堂食同埋等外賣。必叫既係粢飯，落單時可以請店員對半剪開，加錢可以加肉鬆/ 加炸菜/加油炸鬼/全加。落單時就收到預告要等好耐。等咗大約廿分鐘，終於有得食。粢飯大約1/3條油炸鬼長度，油炸鬼極之酥脆，但又唔會饞口，加上炸菜微辣咸香惹味，肉鬆甘香鬆化，糯米粒粒結實分明，實在係值得等待。另外叫咗咸豆漿，有油炸鬼，蝦米，炸菜，葱花，如果有麻油會重香。無糖熱豆漿，可以自己加糖調味。薄煎豆腐一碟三件，小肉餅釀豆腐煎得香嫩。熱豆漿加油炸鬼。油炸鬼原來係即叫即炸，同粢飯一樣，都係要等待。