豆漿大王

臭屁熊好鐘意粢飯，今次帶佢嚟到新蒲崗好出名嘅豆漿大王食個早餐先，店舖環境簡樸，都乾淨企理，位置都多，而且價錢親民一定要叫嘅招牌鹹粢飯，即叫即做熱辣辣，糯米軟糯適中，包住油炸鬼、肉鬆同榨菜，仲keep到酥脆，食完都有飽足感，呢個配搭完全冇得輸見隔離枱有叫，賣相幾吸引，跟住叫左個肉鬆奶脆多，面頭滿滿嘅肉鬆，煉奶嘅甜同炸到脆卜卜嘅炸饅頭，簡直就係臭屁熊嘅至愛，佢食到所有剩低嘅肉鬆都唔放過仲叫咗個擔擔麵，啲麵偏淋身，麻醬味濃，肉碎入味，再加多左餃子，食到好飽叫咗兩杯豆漿，有豆香味，甜度適中_🍽味道指數:★★★★★📷環境指數:★★★☆☆🛎服務指數:★★★☆☆💰抵食指數:★★★★★😋推薦指數:★★★★★📍豆漿大王…查看更多

新蒲崗豆漿大王已經出曬名，真係有料到😋 我地一齊食個晚飯，去到唔洗等位，正😆我嗌咗鹹豆漿，豆香濃郁，入面仲有油炸鬼、榨菜、蝦米，啖啖都係層次感，暖笠笠好窩心 🥣。粢飯就更加不得了，熱辣辣即製，肉鬆、榨菜絲、油炸鬼夾得啱啱好，咬落去仲有少少脆口，真係有驚喜 🤤。朋友叫咗炸豬扒上海麵，豬扒炸得金黃香脆，麵條掛汁又唔會太鹹 🍜；煎釀豆腐外脆內嫩，餡料夠晒足，一啖落去就知係師傅手勢 👨‍🍳。整體水準高，價錢合理，真係名不虛傳 💯！…查看更多

今日喺新蒲崗嘅豆漿大王試咗佢哋嘅招牌粢飯同鹹豆漿，真是一個驚喜嘅早餐體驗！店舖環境簡單樸實，帶點懷舊風，店員好熱情，推介菜式時充滿熱誠，令我對食物充滿期待。首先試咗粢飯，糯米軟糯適中，包裹住油條、鹹菜同肉鬆，口感層次豐富。糯米飯外層微焦，咬落去香脆可口，油條仲保留到酥脆嘅口感，配搭肉鬆嘅鹹香同鹹菜嘅酸爽，味道和諧得令人滿足。份量十足，食完真是一個踏實嘅飽足感，適合早餐或午餐食用。鹹豆漿更加係亮點！豆漿入口順滑，帶有濃郁嘅豆香，鹹味恰到好處，配上蔥花、蝦米同油條碎，每一啖都充滿風味。豆漿微溫，唔會燙口，調味精準，酸鹹平衡，令人回味無窮。相比坊間其他鹹豆漿，呢度嘅版本真是一個新鮮嘅驚喜，感覺好似搵到傳統嘅味道。價錢方面非常親民，粢飯同鹹豆漿都係十幾蚊，性價比極高，絕對係平民美食嘅典範。唯一小缺點係店內座位唔多，等位可能要點耐心。但整體體驗真是一個大滿足，無論係味道定服務都令人開心。下次會再嚟試佢哋嘅甜豆漿同其他小食！總分：9/10，強烈推薦畀鍾意傳統台式早餐嘅朋友！…查看更多

鹹豆漿唔係好多地方食得到，呢間位於新蒲崗工廠區入面嘅上海點心店就可以有得叫，佢啲料都幾足下，油炸鬼榨菜花生等。另一種平時喺出面少啲食得到嘅豆漿就係熱豆漿加蛋，隻蛋本身係生打落去嘅，靠熱豆漿嘅溫度稍為令到佢熟少少。粢飯係呢間豆漿舖嘅名物，即叫即做，手機落單仲可以揀切開兩件或者三件，佢入面嘅肉鬆榨菜絲油炸鬼都好新鮮，最勁係油炸鬼仲有輕微度到。煎釀豆腐同埋蒸銀絲卷就差咗少少，如果個肚冇quota可以唔使試。…查看更多

豆漿大王點了豆漿大王的招牌鹹粢飯, 當中有炸菜﹑油條和肉鬆, 每個32元, 每次只限買三個, 結果論是好吃的, 難怪店家那麼有信心。油條吃起來不油膩, 仍有點脆口, 這一點已經相當驚喜, 所以應該不是預製菜, 這一點很值得欣賞和讚揚。炸菜的味道亦不會過咸, 我挺喜歡這個比例的, 而且價錢也不算貴, 32元算合理, 可以當一個正餐。然後我還點了肉骨麵, 麵條不會過軟, 其實跟粢飯很搭,吃起來就不會得乾爭爭。而且我還了酸辣餃子, 餡料韮菜豬肉, 相當豐盛, 餃子皮有咬口, 我喜歡它不過厚, 但又不會過軟, 餡料相當足, 豐盛, 吃起來不會太辣, 好吃。…查看更多

今日嚟到位於新蒲崗嘅豆漿大王食下午茶😋 聽聞呢間豆漿大王係米芝蓮推介，於是就去試下😁我哋叫左一個招牌嘅鹹粢飯，入面嘅油脆鬼脆卜卜，肉鬆嘅鹹香加埋炸菜嘅微辣，真係非常好食！！👍🏻 每一份都係20蚊！當做早餐或者下午茶都好夠飽😋秘滷肉碎拌麵都唔錯，啲麵幾彈牙，肉碎嘅好入味，但係俾嘅汁唔夠多，撈唔勻成碗麵，食食下就冇乜味😂 上海排骨都好食！即叫即整，一咬落去仲係熱辣辣嘅！😆一入口就充滿油香，外脆內嫩😋肉鬆奶脆多係呢餐入面嘅最愛！！😍多士焗得啱啱好，唔會太乾，但係又好脆😋 煉奶嘅甜味加埋肉鬆嘅鹹味係估唔到咁夾！加上俾左超多肉鬆，每一嚿多士上面都鋪滿晒肉鬆🤤 食到最後連碟剩低嘅肉鬆都唔放過！大推！最後仲有跟餐嘅兩杯豆漿，甜甜地又有豆味，唔似坊間嗰啲成杯糖水咁😋 係咁暑熱嘅夏天，一杯凍豆漿真係令人透心涼😚總結！豆漿大王價錢親民，而且分量都好足，經過一定要試下！…查看更多

呢間上海小吃店據了解是新蒲崗名物，今日食完，果然係正野。佢個粢飯真係好好食，最正係即叫即包，所以佢入面條油炸鬼先至可以keep到個脆度，唔會比D糯米嘅水氣整到淋晒。另外佢入面嘅肉鬆同炸菜絲嘅比例都做得好好，令成件事好平衡。煎釀豆腐都好食，D豆腐比想像之中要滑，豆腐本身都夠香，煎咗出黎唔算好油。叫咗電上海菜肉雲吞，味道都唔錯，就係嗰種舊式上海舖嘅味道，實而不華，不過味道卻很出眾。最後亦都係最正嘅，就係佢杯豆漿，豆味香濃，真係好好味。…查看更多

晚餐時段喺外賣平台點餐，送到時包裝完好而且熱度好高；上海淨餛飩共 7 隻，皮細滑但略厚，餡料肉鮮多汁；招牌鹹粢飯有榨菜、油條及肉鬆，熱度夠加分，油條仲保持香脆，整體發揮平穩，未算驚喜；五香牛肉、肉骨及鴨腎份量足好抵食，五香牛肉屬牛𦟌部位，緊緻軟滑又入味、肉骨唔會乾柴就連骨都入哂味、鴨腎屬較軟腍口感，五香味道調得幾好，鹹甜比例剛好仲有陣陣五香味道，冇過鹹；煎釀豆腐有少少豆香，質素正常；自家制咸豆漿同樣足料，加入油條、蝦皮、榨菜、蔥花等，鮮味得嚟唔會太鹹，飲到豆香…查看更多

豆漿大王嘅豆漿真係聞名不如見面，係好飲嘅，豆味係有嘅，不過唔算太濃，不過可惜除咗豆漿之外，佢個小籠包真係衰到一個點。侍應姐姐一拎到嚟見啲小籠包黐埋曬一齊就知“奶”嘢啦，估計呢個交貨嚟嘅小籠包，做法就係將個小籠包搓到好似粒湯圓咁嘅樣，然後搵個模“吸”落去，成塊皮係一體化嘅，其實咁都唔係最大鑊，佢最大鑊就係啲皮黐住曬一齊，即係喺冰格拎出嚟已經黐實曬，基本上一搣開就會搞爛咗塊皮，咁入面啲湯就會漏曬出嚟，真係搞佢唔掂。…查看更多

估唔到星期日嘅工廠區都可以有一間爆場嘅餐廳，我哋好好彩坐到最後一張枱。雪菜肉絲上海麵竟然係用新鮮嘅酸去做，所以雪菜味特別香，食到一陣雪菜清新嘅口味。淡淡面要做小辣，佢嘅麻醬花生醬同埋湯嘅比例幾好，唔會太稀唔會太澀，雖然佢可以揀配米粉米線嗰啲，不過我都係覺得配上海麵係唔錯嘅。試咗個粟米漿，粟米嘅味道好濃郁，而且食到粟米嘅甜味，估計應該係將粟米放入攪拌機擺到爛晒，味道唔錯。豆漿大王杯豆漿係掂嘅，有豆味，而且唔會太甜。…查看更多

去開新蒲崗，記得之前上網介紹呢間粢飯好好食，就諗住去試一試，見到粢飯仲可以加錢全加料，當然一定要全加啦。入到去見到全場爆滿，就外賣拎走，等外賣期間聽到有食客出嚟都喺度讚個鹹豆漿好好食，雖然自己今次無買，下次都會想試試。粢飯非常之足料，油炸鬼勁脆，感覺已經唔似係番炸，加埋肉鬆同榨菜，簡直係一流，多料少飯簡直係每一口都好滿足，搭配埋豆漿簡直係完美，而且價錢都唔貴，加埋都係30幾蚊，簡直係好超值，性價比好高。…查看更多

每次去到新蒲崗就會心思思想食呢一間小店，好簡單嘅粢飯豆漿，就成為一份活力充沛嘅早餐，食嚟食去我都覺得呢一間嘅粢飯最好食，佢入面糯米嘅份量再加埋肉鬆榨菜絲等等嘅材料配合得個味道好balance，加埋條油炸鬼真係次次食都卜卜脆，我最鍾意朝早去因為唔使加錢，個粢飯都可以即叫即做。依家qr code落單仲可以揀配料嘅份量，加嘢當然要加錢啦，但係我今次要咗個少飯嘅，我覺得個份量更加啱我。豆漿就揀咗熱豆漿加蛋，真心美味。…查看更多

好食既粢飯買少見少，一直想試呢間豆漿大王，但佢開喺新蒲崗，所以堂食幾渺茫，然後外賣要睇手神，因為真係有啲遠，有時太遠就唔送，或者運費特別貴。今次好彩撞到，就一口氣叫晒想食嗰幾樣：1️⃣ 招牌鹹粢飯（炸菜、油條、肉鬆） $324.5/5.0🌟🌟🌟🌟✨粢飯可能提前包好，糯米飯不厚、偏乾身，但依然軟糯不黏牙，有黏性但不死實，入口有彈性。油條居然沒軟掉，咬落仍然會有啲位有酥脆口感，有加分。炸菜粒不大，份量剛剛好鹹香不過重，能夠提升整體口感及層次，肉鬆基本上係鹹粢飯必備，乾鬆香郁不潮濕，入口鬆散而不柴，每一啖都好滿足。考慮到外賣關係，心思思希望有機會可以過去新蒲崗試一下。2️⃣ 酸辣淨餛飩（白菜豬肉） $604.5/5.0🌟🌟🌟🌟✨很特別的酸辣湯，有常見的配料，例如荀絲、豬皮、木耳等，但可能因為係豆漿大王，這家會放大量豆腐粒，酸辣湯是偏酸，不像其他的用黑醋老抽，可能是用了白醋或豆瓣醬，喜歡酸的喝起來會很爽！餛飩皮不算薄但滑溜柔韌，每一粒都有好好完整包覆餡料包著沒有散，入口不黏糊，內餡豬肉與白菜比例適中，沒有被酸辣湯蓋過味道，很棒！3️⃣ 脆香雞扒3.5/5.0🌟🌟🌟✨雞扒外皮要炸得不錯不油膩，是用紙袋上的，但始終因為回潮有點硬，整體有點失色。4️⃣滷水蛋豆腐配秘滷肉碎拌麵4.0/5.0🌟🌟🌟🌟滷水蛋入味，滷色均勻滲透，蛋白不死實，蛋黃濃郁不乾熟而綿密。滷豆腐有3件大大件，外韌內嫩，吸飽滷汁但不過鹹。滷肉碎量很足，香而不膩、肥瘦得宜。可能因為滷水蛋豆腐配秘滷肉，拌麵醬香明顯，但吃到底時汁會偏多。…查看更多

依家巿面本人覺得很難找到好味或料多既痴飯.   這家暫時算是不錯吃的一家每次去沙田. 都會走入去食一舊痴飯,  一碗咸豆漿. 咸豆漿料多, 好味. 不過其實兩樣食晒都幾飽落單時. 痴飯還可以揀邊樣材料要或唔要, 多或少, 連飯都可以選擇少飯,  岩晒我. 甚至番加錢變加料. 成舊痴飯會變成好大舊. 多料更好食. 但如果一個人入去. 叫一隻加料痴飯真係會飽到不得了.所以近兩次我只點少飯痴飯,  夠食便算了.  咸豆漿感覺依家唔多地方有得吃. 所以感覺不錯. 久唔久都想入去食番set..  之前都有食過佢既酸辣粉, 都唔錯. 雲吞/水餃類就正常發揮, 有一款炸鰻頭勁好味.  久唔久就吃一次, 百吃不厭.  …查看更多

千祈唔好叫酸辣湯，超級咸，食第一啖已經好咸，但肚餓唯有食落去😭 雖然好多料，但真係個湯底破壞晒成碗酸辣湯，係食過既數一數二難食， 另外唔知點解啖啖都有辣椒籽，好硬，好想吐出黎😵…查看更多