甜一點 (已結業)

食飯時間旺角女人街好多餐廳都排晒隊，行過環境好少女粉紅色嘅甜一點，發現除咗甜品仲有飯同漢堡食，可以一次過食晚飯加甜品。雞扒漢堡配沙律及薯條，$88佢嘅漢堡都幾大份，而且賣相唔錯，雞扒大大塊，啱晒我哋share嚟食，佢中間夾咗芝士同蕃茄，幾好味，不過如果雞扒啲燒汁再多啲會更正。不過以一間甜品店嚟講，出品已經好滿意。魚柳蛋飯，$88魚柳有驚喜，炸得好香，肉質夠實又冇雪味，而炒蛋同飯，配上酸酸甜甜嘅蕃茄汁，好味喎，我哋成碟飯都食清晒。木瓜燉桃膠，$62去甜品店點可以唔食甜品，天氣乾燥，我哋揀咗比較滋潤嘅木瓜，加上桃膠，非常滋潤。當日嘅木瓜好甜，不過如果再大隻啲就更加好啦。