甜一點 (已結業)

這次和朋友飯後轉場，偶然走進「甜一點」糖水店。店鋪面不大，只有三張大桌，而翻開菜單的瞬間，我們便被其進取的定價驚呆了。平均每碗糖水的價格在$55-$70，而窩夫和心太軟竟高達百元 😳 如果價格對得起質量，那還是可以接受的。但真正品嚐過後，卻只能說是一家徒有其價的糖水店 🥲🥲當晚我們各自點了幾款甜品，包括桃紅連耳合木、西多士以及糯米丸子血糯米 🌟店內規定每人必須點一款甜品，每單還需額外加收一成服務費。以下人均五十幾蚊，但甜品份量普遍都很小、味道和擺盤亦十分業餘。整體而言，「甜一點」雖然地點方便，但無論是定價、味道還是服務都很平庸，整體性價比極低 🙂‍↕️ 旺角有不少出色且實惠的選擇，這家店實在不值得推薦，之前的好評令人匪夷所思。以這樣的價位和表現，恐怕亦難以在競爭激烈的市場中長期生存 😪…查看更多

同朋友旺角食完飯就搵甜品食，見openrice呢間响附近又有咁多好評就入去了叫了個白雪公主撈&桃膠雪燕木瓜百合紅棗蓮子杞子，餐牌寫既椰汁雪糕其實係椰汁冰，但d椰汁冰係一陣雪櫃味，完全食唔到最後只食左面嗰d生果，朋友個桃膠糖水係完全唔甜，佢話自己响屋企煲仲好食過佢從來未食過咁難食既糖水！本來諗住算勒，點知收錢發現要加一，有無搞錯！從來未食過一間糖水要收加一，仲要咁既質素，等執笠啦！忍唔住要响度寫食評，完全比d笑臉呃左！…查看更多

今晚Farewell好友飯局後，諗住搵間糖水舖再飲杯嘢傾吓偈，去咗呢間女人街的餐廳，見佢裝修得幾靚，但坐低望個餐牌已經覺得價錢偏貴，楊枝甘露盛惠$70！.諗住價錢同食物質素成正比？非也！.我叫左杯芒果椰汁西米 $44 好伏！（無影相）賣相無特別，但第一啖飲果種甜好奇怪，唔係芒果味或者椰汁味，係糖水？！而西米咬落好似未煮熟咁硬身！上OpenRice 睇負評先知原來係餐廳特色，最後我飲左1/3杯真係放棄～.本身都無Hard Feeling，自己中伏但見朋友食香蕉船，西多士都唔錯，但到比錢果下真係著左，越諗越唔順氣！.我地八個人食糖水都食左成$500，落單時見到餐牌寫住有加一服務費，又寫住掃抖音小紅書有優惠。我問咗女店員話關注小紅書以及讚好第一個帖文就可以全單九折，咁我搞掂俾佢望完，佢話OK仲同我講之後都用得。去到埋單嗰陣，老闆話「下次先有九折」，我心諗你又知我唔係上次讚好咗？！我話頭先個同事唔係咁講，佢態度得戚咁話「我好肯定！因為我係老闆！」咁似刀削麵老闆既？！得！你咁講，呢$50我豪俾你，反正唔會有下次，我貼錢買難受，仲會幫你宣傳，叫人唔好食你呢間舖！.餐廳除咗收現金，就係收微信支付（老闆講明係收人仔）或者支付寶（但連結信用卡要收手續費）。.P.S. 相中是小黃子 $68+6.8…查看更多

係旺角2個女仔唔太肚餓嘅情況下，決定搵間甜品舖輕食一下，見呢間舖成間都粉紅粉紅💓，少女心滿滿，係有甜品食之餘仲有咸食就決定試吓，其實佢選擇都幾多，有主食類嘅burger🍔、蛋包飯，仲有all day breakfast，甜品方面有芋圓、楊枝甘露、心太軟等等。由於覺得叫個飯似乎太飽，於是見到一個比較飽肚類甜品 - 窩夫🧇，而除左平時見到既普通窩夫，佢仲有一種叫韓式窩夫，原來就係用牛角包🥐夾成窩夫形狀，另外想食少少咸食就叫一個炸雞拼盤share。🥐🥐韓式牛牛窩夫 $98⭐️⭐️⭐️⭐️⭐️窩夫有2件，上面調味基本有朱古力醬🍫、煉奶，雪糕有2球固定味道，分別係芒果🥭同椰子🥥，生果分量都幾多，有我鍾意既香蕉🍌🍌窩夫係牛角包夾成所以比起普通食開既窩夫特別香口，一人一件岩岩好就唔會太漏。要讚佢2球雪糕都好好味，芒果唔算係勁甜亦唔似一般平時食開個種好假既香精味，反而有種楊枝甘露既味道，椰子味雪糕係好清甜，一樣唔係個種好假既椰子味，呢2球雪糕係有少少意料之外既好味。🍗🍗炸雞拼盤 $98⭐️⭐️⭐️⭐️炸雞拼盤係分別有炸雞球、炸單骨雞翼，加份細沙律🥗。炸物味道正常都好少出意外，所以食落都無特別驚喜，價錢上如果呢個份量嚟講係偏貴，如果口痕咬下都唔錯，但想有飽腹感我建議都係叫個飯會比較化算。整體而言呢間餐廳都比較食環境先📸📸，食物味道不錯但未到十分驚喜，回頭指數我自己評價會係6/10，主因會係價錢略貴。但值得稱讚嘅位係店員好有禮貌，同埋唔會係咁想趕客走嘅感覺，見隔離檯就算食晒野坐係到繼續傾計都唔會有店員眼望望，非常適合想打卡、輕鬆咁傾計同嘆甜品！😉…查看更多

叫了杯芒果西米， 特意落單時問店員係咪飲品 ，佢話係。 飲品黎左，但店員話沒有飲管提供 ，係話政府規定，就走開左。最初落單既時候， 亦都無說明沒有飲管提供， 飲品的杯的設計完全不方便在沒有飲管的情況下飲用 ,提供的匙羹亦都極細, 飲品中的西米完全未煮熟 ,硬到咬都咬唔開, 平時西米是半透明 ,呢度提供的是純白色 ,好似冰粒一樣硬的西米，完全不能飲用 。埋單仲要入佢厨房請佢出黎收錢,貼錢買難受…查看更多

好少可去甜品店都有飯食, 通常去甜品店都係食甜品點解會有飯食嘅？呢間旺角砵蘭街嘅甜一點就係有齊甜品加飯食嘅好地方, 今日未到食飯時間我朋友想甜品, 但係我又想食晚飯, 咁啱見到有一間位於女人街嘅甜品店有齊我哋以上嘅要求, 所以就走入去睇下呢間店舖有幾好食？？一體個餐牌, 原來呢間甜品店有All Day Breakfast早餐, 個早餐有安格斯漢堡扒、煙三文魚, 炸魚柳同埋雞扒添, 除此之外亦有漢堡包, 更加少不了就係甜品啦！ 而我今次就嗌咗一個雞蛋蓋飯同雪蛤燕窩撈 補一補身先, 而我朋友就叫咗個桃膠蛋白！原來個雞蛋蓋飯就係將個煎好嘅雞扒加埋啲滑雞蛋放喺鍱白飯上, 個雞扒好睇又好食仲好嘢味添, 個滑蛋真係好滑不油不膩好好食！ 而個雪蛤燕窩撈, 好多雪蛤仲見得到燕窩大大匙, 超滿足嘅感覺, 我朋友嗰個桃膠蛋白面頭鋪咗好多桃膠之餘個蛋白都好滑口好好味添, 下次有多個食飯同食甜品嘅好去處喇！ 加埋一兩個人合共220蚊, 圍返起一個人110蚊, 算係物超所值.…查看更多

今次我和朋友來到旺角，我們非常熱衷吃甜品，旺角有間人氣店，心癮開始發作，餐廳「ChillGood甜一點」以粉紅色為主，進入巳被花花包圍住，用心思設計佈置，可以坐在入邊打卡，餐廳打卡度幾高。大塊雞扒蛋蓋飯份量勁多，雞扒好大塊，十分香脆，蛋蓋汁幾好，蛋蓋著飯做餡，口感軟綿鬆軟，芳香的味道仍在口中留戀。芒果小黃子材料豐富，小丸子食落煙韌，配芒果粒、雪糕、西米好夾，芒果酸酸地好開胃，雪糕香滑，真心很好味。椰汁木瓜桃膠夏威夷直送樹上熟木瓜，味道濃郁，果肉清甜細滑，桃膠有口感，配上清香的椰汁，唔會太甜，讓人回味無窮。ChillGood甜一點（旺角）地址：旺角通菜街1A-1L號威達商業大廈地下D號舖…查看更多

呢間嘢擺明係網紅打卡店裏面，全部裝修都係粉紅色，杯杯碟碟都係粉紅色，睇埋個菜牌，你就會知道呢間嘢啲甜品好貴。佢仲冇平嘢俾你揀，即係所有合桃糊／芝麻糊／杏仁露／番薯糖水，一啲我哋正常廣東人鍾意食嘅糖水，佢都一律欠奉。我真係唔知呢間嘢點解咁多好評！至於啲嘢食嘅水準，一般般啦。唔難食，但係又唔覺得你特別好食。一個蛋白燉桃膠，蛋白有冇乜蛋白味，亦都冇乜奶味，收$44。仲有個桂圓紅棗桃膠糖水都收$50，楊枝甘露都好似收$70！…查看更多

今日同朋友落旺角行完街想搵嗰地方食晚飯，因為掃完街唔算太肚餓😛所以諗住搵間餐廳簡單食少少野就算😆比我哋發現咗呢間以為淨係食甜品，原來都有幾多咸食嘅餐廳😙餐廳勁少女心😂全間舖都以粉紅色為裝修主題，鍾意pink pink嘅女仔應該會幾啱😂😂😂女人對甜品真係冇乜抵抗力😌就算唔餓最後都揀咗好多甜品😝🍗大塊雞扒蛋蓋飯 ($88)果然係大大塊雞扒🤩勁厚切🤤表皮煎得微脆，肉質保持嫩滑有肉汁，調味都適中，唔會太咸👍🏻🥭芒果小黃人 ($68)勁靚勁精緻嘅甜品😍😍芒果都幾多，而且都幾甜😋小丸子好大粒😆所以喺冰凍嘅芒果沙冰入面都保持都煙靭😗🥛椰汁木瓜雪燕 ($65)勁足料🤩原整半隻木瓜再放滿椰汁雪燕，然後因為放唔哂仲會另上多碗雪燕😂食到一半再加埋落去，又食多碗，真係驚我哋唔夠飽🤣🤣🤣🤣🍹火龍果爆珠 ($42)果汁類都幾多選擇😆又可以揀唔同嘅配料都幾得意，最後揀咗配爽爆珠😛火龍果味都幾出，配搭甜甜嘅爽爆珠幾有口感，感覺幾健康🤣…查看更多

✨自選南瓜車🎃✨選：椰汁($38)+一球椰子雪糕($25)。中間嗰層其實仲有刨椰汁冰～個人覺得 $66係偏貴，份量又唔算好多🤔🤔味道上 椰汁味十足，甜甜地咁，無論雪糕定刨冰都係🥥夏天食應該有解暑嘅作用☀️☀️.✨凍桃膠燉蛋白 $44Menu上推薦呢款甜品👑，就試下佢。我覺得冇乜特別，桃膠無味，燉蛋白真係燉蛋白，就蛋白味囉😂.結論：環境好pink 好少女心，打卡一流🩷不過甜品真係冇咩性價比，唔會再嚟👋🏻…查看更多

今日跟朋友黎到位於旺角女人街入面，一間少女心滿滿嘅甜品舖🥰 入到去全是夢幻迷人嘅粉紅色💓 真係令人心花怒放😍 鐘意打卡嘅朋友一定要黎💁🏻‍♀️❣️可能今日夜晚先黎幫襯，好多款搶手嘅甜品同全日早餐都賣曬🥲🥲🥲 好在最想試嘅韓式牛牛窩夫仲有貨🤩🌟 窩夫即叫即整勁有誠意👍 上枱時散發住迷人嘅牛油香🤤 食落外酥內脆，層次感十足，配埋冰涼香滑嘅雪糕一齊食，滋味滿分👍👍👍 朋友就叫咗個大塊雞扒蛋蓋飯🐥 雞扒真係名副其實，勁大塊超厚肉，非常足秤👍 雞肉肉質好嫩好軟，多汁又濃厚，超級正🤭 蛋蓋飯雞蛋非常鮮嫩，內裡白飯浸泡滿滿嘅蛋汁，超級高質🥰❤️ 🐧❣️溫馨小提示：餐廳要齊人先入得座，繁忙時段用餐時間40分鐘，每人最少一個訂單，另收加一服務費🥴…查看更多

同朋友去左旺角行完街，去左位於通菜街食糖水，呢間少女心裝橫既餐廳好粉紅，好岩女仔打卡去🩷🩷你間餐廳除咗主打甜品之外都有沙律burger同埋all day breakfast 食😋大塊雞扒蛋蓋飯 $88 雞扒大大塊，蛋蓋既汁唔差，份量勁多，老闆用料時一啲都冇手軟🙌🏻韓式牛牛窩夫 🧇 （鮮果+2球雪糕）$98 個窩夫係用牛角包嘅底做，食落勁鬆軟，手打既椰汁雪糕🍧好食到我想一食再食🤤不過老闆話因為師傅兩日嚟一次冇得就咁叫雪糕，any肥，我食完個椰子雪糕好食到我講足兩日呀☺️☺️大推🙌🏻🙌🏻桃膠雪燕木瓜百合紅棗蓮子杞子（凍/熱）$50超級補又潤嘅糖水，好啱女孩子食黎補身，足料抵食👍🏻👍🏻🏠環境：8/10🌟味道：8/10💰性價比：8/10🙇🏻服務：8/10甜一點📍旺角通菜街1A-1L號威達商業大廈地下D號舖 #hkfood#hkfoodie#852food#foodahoilc007#hkmk#少女心#甜水舖#yummy#相機食先#旺角美食#甜一點#手打椰子雪糕勁好味#牛牛窩夫係必點之作…查看更多

上星期與家人去到位於旺角通菜街的甜一點。我們品嚐了這裡的鮮果雪糕心太軟，每一口都是一種享受，讓人回味無窮。除了雪糕，還有鮮奶燉蛋白。柔滑綿密的奶香，配上綿軟的蛋白，濃郁芳香，每一口都帶來滿滿的幸福感。這家食店還有著其它的美食。我們選了安格斯巨型漢堡配薯條/沙律，新鮮的食材，巨型漢堡吃起來滿足又過癮。此外，大塊雞扒蛋蓋飯是另一道美味，嫩滑的雞扒配上濃郁的蛋蓋飯，每一口都讓人忍不住讚嘆。 總的來說，這家食店真的是一個讓人垂涎的好去處。無論是入口即化的鮮果雪糕還是濃郁誘人的鮮奶燉蛋白，每一道料理都散發著令人難以抗拒的誘惑。如果你也想要品嚐一番，記得來到旺角的甜一點，享受一番甜滋滋的用餐時光吧！ …查看更多

甜一點，成間裝修以粉紅色為主聽個名以為淨係得甜品，點知原來仲有主食😆就叫左兩個飯+一個甜品試試佢😏安格斯漢堡蛋蓋飯～漢堡扒比一般餐廳大塊，煮完出黎仲keep到肉汁厚肉魚柳蛋蓋飯～魚柳勁大塊！仲大過我隻手😂炸到脆卜卜咁出黎好香口兩個飯都有層煎蛋蓋住個白飯底，雖然唔係炒飯底，但撈埋個蕃茄汁酸maymay 咁食好開胃😝最後叫左個芒果小王子，有芒果，小丸子，西米，沙冰，雪糕。芒果好甜，小丸子煮得好煙韌有咬口…查看更多

大家都知通菜街多野食，如果真係要是試曬咁多間，都需要一段時間；所以今次我就揀咗一間好少女心嘅甜品店💖💖全店都係粉紅色，真係超級少女🤩韓式牛牛窩夫 $98推薦指數🗯️：🌟🌟🌟🌟🌟窩夫好脆，而且帶點牛油香；另外會配咗兩球雪糕，分別係芒果同椰子味，兩隻味都好濃，就咁單食都已經好好食，不過配埋個窩夫一齊食也別有一番風味，而且仲有鮮果係旁邊，俾你可以配搭唔同嘅款式雪燕燉蛋白 $44推薦指數🗯️：🌟🌟🌟🌟雪燕給的份量超多，而且食落唔會好甜😋芒果椰汁西米 $44推薦指數🗯️：🌟🌟🌟🌟😋😋唔知大家有冇飲過芒椰西米，佢就係嗰種味道，好有童年回憶🤣🤣而且份量都幾多✨整體來講，好適合帶女朋友或者同閨蜜一齊嚟食甜品，全部都係粉紅色好適合打卡以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。…查看更多