明閣 (香港康得思酒店)

明閣係米芝蓮餐廳，咁吸引，梗係去試一試佢嘅點心啦 地理位置方便，旺角地鐵站上蓋就到。環境唔錯，好寬敞， 座位舒適，餐具乾淨。點心種類選擇多，眼花撩亂。介紹下其中幾樣先:1) 荀尖蝦餃，一籠四件，蝦肉彈牙爽口，皮薄餡靚2) xo醬炒腸粉，以為好普通，但原來xo醬好香，好惹味。3) 鮑魚酥， 見到原隻鮑魚已經吸引眼睛，鬆化撻皮 加埋軟腍鮑魚， 好出色。4) 帶子蟹餃，原隻帶子， 賣相吸引，蟹肉豐富有口感，好食。其他點心，例如灌湯餃，流沙包，都唔錯，果然係米芝蓮一星餐廳， 值得再去。