影片
更多
2023-03-29
106 浏览
星期六去完灣仔會展Art Basel ,就同個friend去附近睇吓有咩好嘢食！行吓行吓見到有間米芝蓮粵菜餐館，門面好靚好華麗，好想入去試下。入到餐廳侍應就安排我哋窗邊的枱座，外面風景遠眺灣仔金紫荊廣場同維港，座位坐得好舒適！ 開始叫嘢食， 我哋叫咗個頭盤青芥聖子王，話梅聖女果，蔥油海蜇花。聖子係英格蘭入口，聖女果係勁甜嘅小紅茄。第二道菜係天籽蘭花白玉清湯，用日本元貝拆肉成白肉，而湯就係用豬骨煲8小時去油起湯，白玉有香濃蘭花清香味，好鮮甜。主菜係焗釀蟹蓋，用新鮮嘅蟹肉執肉再焗，啖啖肉。然後係酸湯M9和牛，選用澳洲M9級和牛配酸辣湯，和牛名貴開胃醒神，一試難忘。再嚟一個香蔥海鹽煎馬友柳，馬友用自家方法起肉去骨醃製，風乾之後用開粗鹽香芝麻油配乾蔥，好難得食到咁鮮嘅魚。主菜最後一道就係黑松露蹄香石榴球，用黑松露馬蹄真菌做餡，包到石榴形狀再蒸，清新爽脆，放喺最尾道菜就有中和效果。重中之重，就係最尾個甜品，桂花雪燕3.6牛乳奶凍配芝麻卷，奶凍香滑不在講，重點係個芝麻卷，用人手磨芝麻漿再蒸，好食過一個點。臨走之前經過門口，發現佢哋有自家製XO醬賣，仲有罐頭鮑魚，二話不說，嗱嗱臨買返屋企，過時過節，
開始叫嘢食， 我哋叫咗個頭盤青芥聖子王，話梅聖女果，蔥油海蜇花。聖子係英格蘭入口，聖女果係勁甜嘅小紅茄。
第二道菜係天籽蘭花白玉清湯，用日本元貝拆肉成白肉，而湯就係用豬骨煲8小時去油起湯，白玉有香濃蘭花清香味，好鮮甜。
主菜係焗釀蟹蓋，用新鮮嘅蟹肉執肉再焗，啖啖肉。
然後係酸湯M9和牛，選用澳洲M9級和牛配酸辣湯，和牛名貴開胃醒神，一試難忘。
再嚟一個香蔥海鹽煎馬友柳，馬友用自家方法起肉去骨醃製，風乾之後用開粗鹽香芝麻油配乾蔥，好難得食到咁鮮嘅魚。
主菜最後一道就係黑松露蹄香石榴球，用黑松露馬蹄真菌做餡，包到石榴形狀再蒸，清新爽脆，放喺最尾道菜就有中和效果。
重中之重，就係最尾個甜品，桂花雪燕3.6牛乳奶凍配芝麻卷，奶凍香滑不在講，重點係個芝麻卷，用人手磨芝麻漿再蒸，好食過一個點。
臨走之前經過門口，發現佢哋有自家製XO醬賣，仲有罐頭鮑魚，二話不說，嗱嗱臨買返屋企，過時過節，又可以大宴親朋啊！
下次一定要帶啦阿媽過嚟嘆吓茶，食個飯先！
7 浏览
0 赞好
0 留言
张贴
