豆漿大王

营业中

休息中

今天去了所謂連續幾年米芝蓮街頭小食🎖推介既小店，試試招牌咸豆漿及上海粢飯，當然再點些小食當晚餐，先講招牌咸豆漿的確有特色，啖啖都有油炸鬼，再加葱花及咸菜伴隨，口感豐富，反而忘記了豆漿才是主角。而粢飯餡不算多，亦不大份，但同其他店分別係佢既油炸鬼很脆。不過我是要分兩半，店家為求方便連膠袋剪開的，感覺會有些膠袋碎料混雜食埋也不知。至於特別些的小食算是玉米漿吧，因為外面未見過諗住一試無妨，飲落杰過豆漿亦夠甜的，但不知是甜栗米味，還是加了糖，不過不失。試埋個凍豆腐花，絕對不滑，硬身得來沒有豆香味，豆品店來說毫無驚喜。而最後炸饅頭及煎餃則正常，反而係個樓面大媽在收銀處狂噴殺蟲水，可能好多小強啩，因為佢自己也困在收銀位都照噴，但逼食客吸入毒藥就不好了。整體都吾好再返食，因為很多同類型店可選擇。