盛記粥麵

营业中

休息中

屋企水制漏水，搵師傅返去整完又要大清潔，所以去買個外賣返去同老公食完先開工。老公早幾日已經話想食海南雞，就買個返去比佢食下啦，餐廳現時有外賣9折，兩個人都唔使二百蚊。鳳城水餃麵水餃裏面既蝦肉新鮮爽口，還有木耳及筍等，全部都爽脆，應該加了些大地魚調味，整個水餸味道很鮮，湯底亦都是用了大地魚熬製，飲完都無口喝，完全無落味精。淨鮮蝦雲吞雲吞細細粒，正好一口一粒，每粒有兩隻新鮮爽口蝦肉，豬肉亦唔肥膩，能媲美有米芝蓮級數的麥記，誤打誤撞都比我撞中，真係好彩。海南雞黃薑飯本以為雲吞就已經係招牌啦，點知海南雞都做得不俗，雞肉嫩滑入味，黃薑飯味道濃香。蘿蔔柱侯牛筋腩蘿蔔清甜吸收了牛腩香，牛筋直情入口溶化，骨膠原豐富，牛腩炆得又腍又入味，完全無渣。最後加了$8的桑寄生蛋茶，好過自己煲。