嗰日睇完戲我哋早到咗差不多45分鐘，但門口嗰個人都照俾我哋入去，真開心！坐低咗我哋就開始揀嘢食，但落order嘅時候，入邊嘅staff實在唔係太夠，要叫咗好耐先有人嚟幫我哋落單，咁我哋叫咗兩個和民沙律，我就叫咗個大阪燒，加個加州卷，仲有個白汁焗番薯，咁另外一個人就淨係叫咗一個冷蕎麥麵！落完order之後，個Staff同我哋講如果喺OpenRice book位每人仲會送一杯$29樓下嘢飲，勁surprise！咁我就叫咗杯青金桔可樂，另外一個人就叫咗芒果綠茶！
2
等咗一陣第一樣嘢嚟嘅居然係冷蕎麥麵，個麵煙煙韌韌咁幾好食！之後再嚟咗個白汁焗番薯，個配搭其實有啲怪，正正常常咪咁啦！個大阪燒反而有驚喜，入面有蛋同芝士，所以成個大阪燒都好香！
個加州卷都唔錯，但呢個價錢又好似有啲貴！
到最後居然先嚟返個和民沙律，成件事好搞笑！但係依家啲和民沙律細咗好多，一個人食一份完全係冇問題！
原本之前仲諗住叫雪糕，但因為送咗兩杯嘢飲，成件事唔記得咗😂
