居食屋「和民」 (宇晴匯)

和民居食屋炎夏中午真係唔想落街食飯，與同事叫了和民居食屋的2人前便當Set午餐，$189左右包兩款主食、小食和飲品，性格比都算高。我和同事都一齊推介南蠻炸雞飯便當喇。不過太多客點餐，等候時間愈來愈長，餐廳都要唸唸計仔。…查看更多

經過和民醒起細細個一生日🎂或者特別日子就會嚟食諗住而家反正都好多年冇食於是就入嚟懷緬一下但食完之後都係覺得有啲回憶都係由佢過去啦🥲🥲🥲首先叫咗個泡菜豚肉鍋（$79）再加咗$39拉麵煮之前賣相麻麻地煮之後賣相更加麻麻地味道嚟講就正正常常泡菜味另外仲嗌咗個鰻魚牛肉盒子飯只可以話真係圖片只供參考圖片咁靚，實物應該唔會好差掛然而想像好豐滿，現實好骨感😞以為起碼唔會見到咁多飯😞仲要個鰻魚都好多骨牛肉硬到好似橡筋咁仲加咗$49升級做套餐有三文魚刺身、鰹魚湯、茶碗蒸同飲品呢個三文魚刺身量少都算味道真係唔新鮮爭鮮啲刺身都好過佢而個茶碗蒸同鰹魚湯好彩都叫正常係個飲品出哂事叫咗個柚子蜜梳打味道難以形容不特只仲要飲飲下發現啲不知名物體真係立即冇胃口以人均150嚟講咁嘅質素真係不了…查看更多

第二次來吃，咁次體驗真的很差，店裏有位置，也將我帶到最角落位置坐，熱飲同白開水無區別，食品也係一般般。這一次係特意過來吃的，在店外等了一下位，好失望，不會再來第二次。…查看更多

全球暖化，踏入6月差不多日日都黃色高温預警，又濕又熱，午餐沒啥胃口！不想吃飯，日式拉麵是個不錯的選擇，經過宇晴滙和民，walk in，原來午市生意很好 (之前是下午經過，和民午休不營業，還以為生意不好！)只剩最後1張細枱，運氣還可以。點了牛骨湯拉麵定食，包括以下的：#野菜沙律：只有幾片不新鮮的生菜和粟米粒，加一丢丢芝麻醬，看着就不想吃！#牛骨湯拉麵：賣相毫不吸引，白色湯底(看似很淡)，味道比想像的濃，拉麵軟硬適中，只有1片薄的日式叉燒(好單薄！)，咬一口竟然有油香！最好味是半隻糖心蛋！#餐飲：點了可樂，玻璃杯上，唔多夠氣。…查看更多

一大早 小朋友突然晨咁早起左身所以同佢去附近行下食下早餐由於我囝得歲幾2 歲 佢又正係食白飯同三文魚係到搵邊到咁早9:30 有飯食見到和民有 就同佢入去環境吾錯 早上都少人同埋有Bb 座位真係好好 同有Bb餐具Staff們都好好 有愛心又有禮貌我叫左個比自己食 佢個餐超好 可以另外再加個白飯同三文魚 當然心心眼 又抵呢呢到加埋先大約$6x終於搵到個早餐飯堂比Bb💓開心…查看更多

早餐咖啡一杯係只有咁少🤨? 我問待應係咪Espresso, 佢好似唔識聽英文, 答我係即磨咖啡, 我order咖啡, 又唔係Espresso😤, 飲落只係普通咖啡. 待應話佢哋嘅咖啡一杯係只有咁少, 我問佢, 其他餐廳一杯咖啡都唔會咁樣, 佢竟然答我, 佢無去過其他餐廳. 從未試過買早餐普通咖啡只有三份一杯.…查看更多

和民永遠只可以同抵食呢兩個字掛鉤，好食就一定係唔係。但$2-300可以叫咁多小食，地點又咁方便真係好難搵。次次都係叫個壽喜燒，同埋壽司卷物，都已經夠晒飽。之後再叫個雪糕，咁就啱啱好。…查看更多

惡劣，惡劣，非常惡劣⋯一入去冇人已經心知不妙，點之⋯味道非常鹹，牛肉咬唔入，而且凍的，其實我知道疫情下唔入貨選擇小我理解的，但都可以煮得有誠意，有時執笠都未必關疫情事。…查看更多

食晏時間，一行四人原本想食隔離間拉麵，點知裝修，唯有近近地過隔離間和民啦，價錢黎講都中規中矩，食物質素都係，唔會好好食，但又不至於難食咁，好耐之前去過一次，上菜速度超慢，真係一個超差嘅經驗，諗住反正附近冇咩好選擇，比多次機會試試，點知上菜速度正常，心諗ok wor!不過食到尾，嘩！有2個器皿係爛嘅！爛到咁都仲用？咁大條坑點會睇唔到呀喂……會唔會洗得乾淨呀喂……咁大間舖點解可以咁都唔在意？！睇黎唔需要再比第三次機會….…查看更多

是日晚餐蜆肉湯烏冬-今日係叫外賣既，餐廳非常貼心將烏冬同湯分開裝，避免烏冬浸係湯太耐發脹，導致口感唔好。烏冬浸係蜆肉湯一陣間，味道已非常濃郁，好濃既海鮮味。宮崎南蠻炸雞飯便當-炸雞表面少少脆，炸粉裏得好薄身，整體肉質嫩滑，好食。（張相係食到一半先醒起要影，炸雞本身大約有7件左右）…查看更多

因為套戲6:00做，完咗都已經係食飯時間，所以都係要出去食，喺OpenRice睇咗陣，原本諗住食大戶屋，但係心諗大戶屋都唔係幾好食，再望一望原來附近有和民，咁就喺OpenRice度book定食晚飯啦！嗰日睇完戲我哋早到咗差不多45分鐘，但門口嗰個人都照俾我哋入去，真開心！坐低咗我哋就開始揀嘢食，但落order嘅時候，入邊嘅staff實在唔係太夠，要叫咗好耐先有人嚟幫我哋落單，咁我哋叫咗兩個和民沙律，我就叫咗個大阪燒，加個加州卷，仲有個白汁焗番薯，咁另外一個人就淨係叫咗一個冷蕎麥麵！落完order之後，個Staff同我哋講如果喺OpenRice book位每人仲會送一杯$29樓下嘢飲，勁surprise！咁我就叫咗杯青金桔可樂，另外一個人就叫咗芒果綠茶！等咗一陣第一樣嘢嚟嘅居然係冷蕎麥麵，個麵煙煙韌韌咁幾好食！之後再嚟咗個白汁焗番薯，個配搭其實有啲怪，正正常常咪咁啦！個大阪燒反而有驚喜，入面有蛋同芝士，所以成個大阪燒都好香！個加州卷都唔錯，但呢個價錢又好似有啲貴！到最後居然先嚟返個和民沙律，成件事好搞笑！但係依家啲和民沙律細咗好多，一個人食一份完全係冇問題！原本之前仲諗住叫雪糕，但因為送咗兩杯嘢飲，成件事唔記得咗😂…查看更多

好耐冇食和民 細個食覺得有啲貴 不過就好鍾意食佢嘅烏冬今日決定再試吓Dinner menu好似唔同咗 但係價錢上又好似冇乜點變叫咗個牛肉湯烏冬 ($59)上菜非常快！賣相好 雖然份量細咗啲但係佢又好足料 超多牛肉面仲放咗蔥 天婦羅碎 令個麵超香🍤另外 佢都有啲菇類 增加層次口感🍄啲菇好索汁🐂牛肉出奇地好食 佢完全唔多肥膏 多數肉 仲要有牛味 又幾腍 宜家都好少日式餐廳會俾靚肥牛 好難得湯底亦好濃味 係壽喜燒湯底 上菜已經聞到陣香味 好日式嘅味道😋🍜烏冬彈牙 應該係讚岐烏冬 粗身啲嗰隻 而且超級超級入味🤤-味道有水準 日式風味👍🏻環境同服務一般CP值ok 有加一 賣單$65 係份量真係細咗啲 根本係下午茶size 唔夠飽🥲一定要加小食 或者另外食甜品🍮不過唔過$100都可以啦 因為外面啲日式餐廳真係越嚟越貴…外賣好似做緊優惠 仲抵食…查看更多

做完運動唔知食咩就一定係食和民😋😋真係從來沒有失望過😜而且價錢都親密，食物選擇都好多😀呢間分店嘅座位都好闊落整體環境100分🥰兩個人食飯叫咗勁多 又係眼闊肚窄叫左兩個主食1️⃣滑蛋豬柳飯 $79男朋友每次都必叫😆😆但係我就麻麻地2️⃣壽喜牛肉鍋+烏冬 $79+39必叫！必叫！必叫！湯底好正 加埋烏冬 索晒啲汁😋😋回味無窮😇仲叫左四款小食（其中炸雞飯同埋餃子記得影相）番薯🍠天婦羅$19呢款小食就爭啲 炸得太乾身下次唔會再order🙃試過就算～粟米燒 $39粟米都好鮮甜👍🏼飲品：「新鮮士多啤梨益力多沙冰」🍓真係超級涼透心 又解渴充滿着士多啤梨同益力多味道👍🏼👍🏼10分推薦😋😋每次都係必叫嘅飲品🥤兩個人叫咗：2款主食4款小食1杯飲品埋單先$387.2🥰🥰飽到抱住個肚離開～CP值超高😆…查看更多

這間和民的午餐，大大話話至少食過15次，確實唔錯。今次挑選了星期三精選，吉列雞扒咖喱丼定食配柚子蜜梳打，同事點了炸牡蠣滑蛋盒子飯御膳配可樂。咖喱香濃，唔辣啱我，雞扒juicy，炸粉唔厚，份量剛剛好。柚子梳打淡而無味，柚子蜜在杯底唔溶，下次再試其他飲品。同事的炸蠔新鮮，蠔味好香，又大件，加滑蛋配飯一流。這間餐廳都是電話自己下單，門口自己付錢，侍應人手有限，要取一支飲管都比較難，但價錢實惠，環境舒適，冇其他挑剔，會繼續再去。…查看更多

因為媽媽擔心疫情，今日原本諗住去買pizza hut外賣既，至少等到9點，所以我立即放棄叫佢那錯，再跑去和民拎飛，之後等左6張到就有枱，一坐低，就叫左個壽喜燒牛肉鍋，泡菜雞鍋，雞軟骨，蜜糖芥末醬雞翼，赤蝦刺身，一如既往，水準係節日人多既時候食物質素都保持得好好，壽喜燒牛肉鍋每次必叫今次就加多個泡菜雞鍋，都有驚喜喎個湯勁濃，之後再加2底拉麵，完全勁好味可能我都仲二食濃味既野啦之後再叫多3份既抹茶雪糕加蕃薯雪糕，就完滿結束今晚既行程…查看更多