影片
更多
2021-10-27
87 浏览
甜牙牙呢間甜品店響旺角已經有好多年既歷史 - 無論附近廣華街﹑黑布街甜品區點樣改變都好，甜牙牙似乎都仲係唔少人會選擇既地方。趁而家仲係晚上7點幾時間，早少少響晚飯後去食個甜品先。雖然剛食完晚飯，不過見到餐單有關窩夫同鬆餅既圖片，都係會忍唔住想試下。諗左陣，決定試下佢既蜂蜜玉桂窩夫，以及朱古力鬆餅。大約10分鐘後，離遠都已經聞到濃濃玉桂香味既窩夫首先到場! 香蕉及窩夫既擺法，感覺就好似有個哈哈笑既圖案咁；窩夫本身都整得幾脆，響餘溫既威力下，配合雪糕一齊食就可以減低飽肚感；再加埋已灑滿玉桂粉既香蕉，味道尚算豐富。而朱古力鬆餅隔左陣都送到喇! 鋪滿餅碎既鬆餅食個陣雖然唔算好滑，但配合朱古力雪糕一齊食味道都唔錯! 當然將附加既棉花糖連埋朱古力雪糕一齊食，邪惡感即刻提升左好多!
雖然剛食完晚飯，不過見到餐單有關窩夫同鬆餅既圖片，都係會忍唔住想試下。諗左陣，決定試下佢既蜂蜜玉桂窩夫，以及朱古力鬆餅。
大約10分鐘後，離遠都已經聞到濃濃玉桂香味既窩夫首先到場! 香蕉及窩夫既擺法，感覺就好似有個哈哈笑既圖案咁；窩夫本身都整得幾脆，響餘溫既威力下，配合雪糕一齊食就可以減低飽肚感；再加埋已灑滿玉桂粉既香蕉，味道尚算豐富。而朱古力鬆餅隔左陣都送到喇! 鋪滿餅碎既鬆餅食個陣雖然唔算好滑，但配合朱古力雪糕一齊食味道都唔錯! 當然將附加既棉花糖連埋朱古力雪糕一齊食，邪惡感即刻提升左好多!
张贴
