影片
更多
2021-11-16
56 浏览
今日去咗寶靈街陪針線，所以喺佐敦搵嘢食，天氣凍凍地去咗盛記食粥粉面。呢度啲粥粉面可以跟餐可以配合水餃腸粉跟飲品，睇落價錢幾抵。及第粥，粥底綿滑有米香，配料有豬心，豬潤，豬肚，豬粉腸同埋豬肉丸，及第粥加上內臟，個粥底會加鮮甜，浸熟嘅豬肝，生熟剛剛好，非常鮮味，而且每樣配料都有兩大件，比平時更加抵食。頭抽蝦籽蝦球撈麵，頭抽豉油鹹香得來多一種豆香，味道更鮮，蝦籽份量夠多，有鹹香。跟餐配炸兩及豬潤腸粉，兩碟都係新鮮製作，入口都係熱辣辣，加上豉油麻醬，特別好味。另外加了一個鳳城水餃，水餃size啱啱好，蝦肉新鮮，有少少雲耳嘅爽口，大地魚嘅湯底好清甜，唔會死鹹，加埋少少韭黃，覺得簡單，但係已經好好味。跟餐仲可以加$8有凍檸茶或$5有其他豆漿飲品，所以都幾抵。係秋涼嘅時候，晚上食啲暖笠笠嘅嘢，個胃好似特別舒服，簡簡單單暖心又暖胃的一餐！
呢度啲粥粉面可以跟餐可以配合水餃腸粉跟飲品，睇落價錢幾抵。
及第粥，粥底綿滑有米香，配料有豬心，豬潤，豬肚，豬粉腸同埋豬肉丸，及第粥加上內臟，個粥底會加鮮甜，浸熟嘅豬肝，生熟剛剛好，非常鮮味，而且每樣配料都有兩大件，比平時更加抵食。
頭抽蝦籽蝦球撈麵，頭抽豉油鹹香得來多一種豆香，味道更鮮，蝦籽份量夠多，有鹹香。
跟餐配炸兩及豬潤腸粉，兩碟都係新鮮製作，入口都係熱辣辣，加上豉油麻醬，特別好味。
另外加了一個鳳城水餃，水餃size啱啱好，蝦肉新鮮，有少少雲耳嘅爽口，大地魚嘅湯底好清甜，唔會死鹹，加埋少少韭黃，覺得簡單，但係已經好好味。
跟餐仲可以加$8有凍檸茶或$5有其他豆漿飲品，所以都幾抵。係秋涼嘅時候，晚上食啲暖笠笠嘅嘢，個胃好似特別舒服，簡簡單單暖心又暖胃的一餐！
张贴
