栢檔極品海南雞飯

舖頭位於住宅區，其實唔係太起眼，不過經過就諗住試吓…
見呢個品牌有幾間分店應該唔會伏！

1

自己都幾鍾意食…覺得呢一間嘅海南雞份量合適，雞又唔會鞋.覺得唔錯！
呢張相係半隻海南雞（$93），如果兩個人食就要食一隻！
海南雞有三隻醬點～ 甜豉油、酸辣醬、蔥油我自己就鍾意每一啖都點晒三隻將🤣有唔同層次呀嘛！

另外，仲有老火湯飲！（加$8）

湯唔會好油膩.飲完唔會好頸渴～舖頭講明係冇味精，所以可以放心成碗飲晒！

見佢假日都有套餐叫，下次叫埋屋企人一齊嚟食先😘