栢檔極品海南雞飯

肉骨茶具有活血散寒、增強免疫力、健脾養胃、補充鈣質等功效，尤其適合體質虛弱、脾胃不佳、容易手腳冰冷或長時間處於冷氣環境的人士食用，有助於提升體力、驅除體內寒氣、促進血液循環，並預防感冒等秋冬疾病。 肉骨茶中含多種滋補藥材，能調節免疫功能，增強身體機能，有助於預防感冒、流感等疾病。 我本身都很喜歡喝中藥湯,嘅補身又好喝!這個肉骨茶正合我意,藥材味很濃很香,還有排骨和豆卜,排骨煮的軟嫩,一咬就分開,豆卜完美吸收了肉骨茶的湯汁精華,配上白飯一起吃,真的超正這個價錢有湯有肉有飯,CP值超高!套餐仲有菜同湯加小啫喱,都好抵食…查看更多

搵平靚正海南雞餐廳,柏檔都係好好嘅選擇,淘大分店座位尚算寬倘,依舊有店員為我落單,而唔係自己掃code!有咩配搭唔明可以都即時問,好有親切感！晚餐今次揀咗極品海南雞飯大size,選配油飯,海南雞夠嫩滑好好食,但油飯就一般般,無咩香味～…查看更多

再次追蹤城中平靚正海南雞，今次呢間喺價錢、質素、份量各方面都較為平均。餐廳維持傳統店員落單服務，所以我就成功被推銷了飲品，仲轉埋套餐；明明食$68變咗$88。當然店員嘅態度係成功關鍵。環境方面一間細舖仔算企理舒適，冇乜顯著問題。食物方面，碟無骨海南雞雖然係招牌菜，但亦係最大失分位：1.有骨碎 ; 2.雞胸乾嚡😓；相對雞髀位係嫰滑恰好有啫喱。雞隻選材上未算有香味，始終一分錢一分貨。醬汁味道正常，綠色薑蔥油有特色，辣汁最好味，甜豉油太普通。油飯味道偏鹹唔夠香，但的確好很“油”。凍柚子蜜喺冇羹嘅情況下，用幼飲管頗狼狽地完成。蠔油生菜正常無投訴。多謝姐姐推介，今餐豐富…查看更多

之前經過好幾次，門外見到，大大的廣告，知道它其中主打海南雞飯，但覺得這店太少，沒有打算進去的意慾。直至有天，早放午飯，一個人到處找吃的，再次經過它，見到有午市堂食一人餐，以及9折優惠，覺得一試無妨。一進去，員工熱情，讓我選坐的位置。一個人吃飯很喜歡坐在窗邊，對著外面。這店雖少，但仍有坐的選擇。這家的海南雞飯午市一人餐跟別的最大不同是有多一碟菜，吃起來健康點，加上雞、油飯的份量，還有一杯飲品，十分夠，好夠飽的。質素不錯，$77埋單算是抵食。如果人在九龍灣淘大，想吃海南雞飯的話，我會想起，會介紹這間。…查看更多

啱啱星期六，去咗淘大花園探朋友，佢話兩個人費事煮，不如出街食，結果我哋去咗樓下一間街坊小店「栢檔」，佢話呢度嘅海南雞性價比好高，我哋二人套餐$228，除咗抵食之外，味道仲有好多驚喜。首先，佢哋嘅皇牌無味精靚湯，真係好似阿媽煲湯咁，感覺到清甜又健康，真材實料完全冇味精，飲完好舒服。跟餐有三式醒胃小食拼盤：辣辣拍青瓜、麻香小雲耳同涼拌萵筍，味道都唔錯，特別係個青瓜，啖啖都係爽脆，食完之後真係唔想停。再嚟就係重頭戲「極品海南雞」，除咗雞翼之外，半隻雞完全起骨，啖啖肉，肉質滑嫩，雞油香氣四溢，搭配佢哋特製醬汁，撈埋啲雞油飯一齊食，簡直係無得輸！另外一個主菜我哋揀咗滷水元蹄，份量十足，肉質非常腍，而且好入味，味道好濃厚，食完之後連皮都唔想放過。後來心癢癢，忍唔住叫埋滷燒豬頸肉同香煎肉餅。豬頸肉正常發揮，但個肉餅就真係不得了！炸得金黃香脆，裡面仲有蝦米同瑤柱，味道層次非常豐富，仲有蝦醬調味，食落去真係滿滿驚喜。仲有佢哋嘅肉骨茶，湯底濃郁，味道香醇，肉骨煮得非常入味，骨肉分離，食落去超級滿足。最後，仲有健康翠綠時菜，同兩杯飲品，真係好飽！整個套餐價錢合理，味道超讚，絕對值得推薦畀街坊朋友。栢檔嘅海南雞飯絕對係一個好抵食又好味嘅選擇，無論係味道、質素，甚至係環境，都值得我哋下次再嚟支持下。…查看更多

食咗咁多年，依然係最鍾意栢檔嘅海南雞飯，雞肉嫩滑，雞皮同肉之間有啫喱，成日都外賣一隻/半隻雞返屋企加餸，每次買嘅水準都keep到，搭埋三色薑蓉, 泰色豉油同酸辣汁。下午茶就好抵食，$40幾有海南雞飯仲包碗靚湯，佢嘅湯係真材實料煲，好正。…查看更多

在某網購平台，見到做緊推廣，$49一個海南雞飯套餐。套餐包一碟海南雞、油飯或白飯和湯。D相影得幾靚，舖頭地點又近屋企，就買了兩套海南雞飯券和朋友去試試。去到餐廳，d阿姐好快掃咗套餐QR code, 過無幾耐，兩個套餐就到。個餐真係幾豐盛。先講個湯，夠熱，清甜又香，紅蘿蔔豬肉夠腍，好正。再講飯，我地叫咗白飯，大大碗一定食得飽。再講雞，好滑好嫩，都幾多件。最初，我仲驚生有血水，但冇喎。個餐性價比高，已經回購encore!…查看更多

都差唔多九點，咁妟又唔想食飯，諗住買半隻雞jap吓。雖則啲雞係滑但真係無咩雞味，揀可無揀就係咁囉。。我企喺收銀大概一分鐘，收銀姐一直dup低頭應該忙app嘢。好，我等。到有人走埋去叫收錢，佢收完應該到我，佢叫我等等。。我嬲到轉身走。心諗：舖面有客唔接忙app嘅嘢。。食物不見出色，態度又差，我真係唔想再去 😒題外話：好耐之前試過呢個收銀姐找少錢，一啲歉意都無仲笑。西唔係一日嘅事，係年月累積 😑…查看更多

已經不是第一次買外賣,第一次買外賣嘅時候,可以將雪米糍放在碗熱湯上面,回到家已溶化今日第二次再買,買了一個二人餐一盒元蹄飯,已經問佢哋是否包齊外賣,好肯定話已經包齊,回到家可以成盒雞冇包到,打電話去仲可以笑住講,唔怪得知多咗盒雞,一點兒歉意都無,本人不是住附近,來回要花廿多分鐘車程,再回去取,回家時食物已經凍曬,咁嘅服務質素,食物再好食都冇用,更何況又唔係真係咁好食,只係合格,大家如果要買外賣真係要諗清諗楚,唔明白點解一定要人哋最少要畀一粒星…查看更多

今日我地三個人黎到拍檔海南雞食飯，叫左二人餐同一人餐。🫕紅蘿蔔粟米南瓜湯：南瓜煲到融曬，幾種材料都好清甜，成個湯都幾好飲～🐓海南雞：嫩滑海南雞配上三個Standard海南雞醬，唔錯🐟魚香肉餅：煎到脆面既魚香肉餅，幾香口幾好食🐷元蹄：整得幾霖，味道唔錯…查看更多

餐廳位置喺淘大商場裏面，非常容易搵位置。座位好多卡位坐得舒適，侍應都好好招呼。我同老公叫咗份二人餐，二人餐都好抵食包半分海南雞，豬頸肉/滷水元蹄/香煎手刴魚香肉餅三選一碟，白飯或者油飯2碗，無味精湯或者係飲品兩杯，特色小食及油菜一碟。海南雞值得推薦，啲肉質好滑啖啖肉，廚師處理得唔錯冇乜骨頭要吐，套餐附上三種沾醬，雞肉配埋佔埋醬料味道再上升一個層次。另外一份餐叫咗豬頸肉，份量超多，肉唔會太鹹，而且啱啱煎好肉質香脆，配埋佢個泰式甜辣將簡直一流。佢個無味精湯放好多蘿蔔同南瓜🎃，所以個湯甜甜哋好入口，飲完不口渴。如果下次再嚟一定會再幫襯。讚讚讚👍🏻👍🏻👍🏻…查看更多

淘大嗰邊有好多嘢食🤤不過唔熟嗰區，真係好難揀見到呢間「栢檔極品海南雞飯」門口寫住佢啲雞係無激素，無抗生素，仲拎咗好多獎，入面坐滿晒人，仲要門口有人等外賣，應該無咩伏，所以就入咗去試吓！我哋點咗二人餐 $220👑皇牌冇味精靚湯見佢再大隻字寫住冇味精，一於試吓🌟粟米南瓜湯，個湯好濃，好足料，好有住家湯嘅味道🌟肉骨茶（+$10）太好了，可以加錢轉👍🏻我最鍾意多款式🤭肉骨茶的藥材好足好夠味，我食到新加坡嘅味道🤤🌟 極品海南雞半隻必點👍🏻暫時係我食過最好味嘅海南雞全部起晒骨，食得好爽雞有雞味，肥瘦適中再配埋3款醬汁，簡直Wonderful！不得不讚碟薑蓉，磨得好細緻！🌟 滷水元蹄滿滿嘅骨膠原，炆到好淋，又係無骨配埋個酸汁食好夾👍🏻🌟 特色小食-香麻辣鳳爪呢個有麻辣味，但唔會好辣最估唔到係，呢個都係冇骨嘅😮🌟 生菜翠綠生菜👍🏻🌟雞油香飯可以揀白飯或者油飯，梗係揀油飯啦😂 🌟迷你雪米糍估唔到個餐包埋甜品細細粒剛剛好👍🏻呢餐不停咁一啖肉一啖飯，份量超大，好多餸，食得好滿足🤤十分推介👍🏻👍🏻👍🏻👍🏻👍🏻除咗海南雞，一定要試靚湯…查看更多

舖頭位於住宅區，其實唔係太起眼，不過經過就諗住試吓…見呢個品牌有幾間分店應該唔會伏！ 自己都幾鍾意食…覺得呢一間嘅海南雞份量合適，雞又唔會鞋.覺得唔錯！呢張相係半隻海南雞（$93），如果兩個人食就要食一隻！ 海南雞有三隻醬點～ 甜豉油、酸辣醬、蔥油我自己就鍾意每一啖都點晒三隻將🤣有唔同層次呀嘛！另外，仲有老火湯飲！（加$8）湯唔會好油膩.飲完唔會好頸渴～舖頭講明係冇味精，所以可以放心成碗飲晒！見佢假日都有套餐叫，下次叫埋屋企人一齊嚟食先😘…查看更多

同朋友去淘大行街行到攰，周圍搵下有咩好野食，見呢間海南雞都多人幫襯外賣回家加餸，就揀咗呢間，餐廳座位都舒適，餐牌亦頗多選擇，同朋友一齊揀咗個二人套餐 - $220，勁多野食，皇牌無味精靚湯（南瓜、粟米、紅蘿蔔、豬骨），有兩碗靚湯，飲得出無落味精，個湯煲到好濃郁，鮮甜，而且有湯渣可以食下，真材實料，栢檔極品去骨海南雞（半隻），二人套餐有栢檔極品去骨海南雞（半隻），好大碟，份量足半隻，好抵食，果然係海南雞專門店，雞皮薄，雞肉嫰滑，即使係雞胸部分也滑溜，雞皮和雞肉之間會有透明的啫喱精華，全部已去骨，每一口都啖啖肉，味道剛剛好，不會過咸，而且配上海南雞三色醬，令到雞肉的味道更豐富，秘方滷燒豬頸肉，主菜三選一，我地揀咗燒豬頸肉，有好多塊，豬頸肉外面燒到微焦，很香口，內裡的肉仍保持軟嫰，有肉汁，健康翠綠時菜（跟蠔油），生菜顏色翠綠，新鮮爽甜，即使不點蠔油也好食，麻辣豬耳仔，豬耳仔口感爽脆，味道有點麻辣，但可能我食得辣，所以感覺不算很辣，但頗香口惹味，雞油香飯，食海南雞就當然係揀配雞油香飯，雞油均勻地沾上每一粒飯粒，但感覺不油膩，熱騰騰，香噴噴，二人套餐最後仲有兩粒迷你雪米糍做甜品，為這頓豐富的晚餐畫上一個完美的句號。總結：餐廳座位舒適，店員招呼殷勤有禮，皇牌冇味精靚湯和去骨海南雞做得尤其出色，性價比高，可以做飯堂。…查看更多

假期同媽咪去街街 順道吔個靚飯飯～餐廳主打無激素、無抗生素同味精即刻心心眼😍.柯打一人一個套餐🫶🏻套餐包括主菜、菜、雪米糍、飯、湯/飲品❛ 極品海南骨雞❜咬落無骨啖啖肉真心正❤️！！雞肉好嫩滑 皮唔肥又爽口 油飯仲好香配上黑醬油、酸辣醬、薑蓉都巧岀色🤤❛ 香煎手剁魚香肉餅❜肉餅已經預先切好 好貼心🥹外面煎到香脆 口感鬆化 又幾特別啵～仲有陣陣魚香味 真係超好送飯😶‍🌫️❛ 豬頸肉❜另追加左個豬頸肉😂同樣煎到香口 肉質又𝚓𝚞𝚒𝚌𝚢肥瘦仲巧分明 唔會油膩點埋酸辣醬 真係一級棒！！值得一讚係員工好𝚗𝚒𝚌𝚎♡下次嚟一定要試埋無味精老火湯🤭…查看更多