廣麪子

营业中

休息中

早前知道安利大排檔喺灣仔開咗間副線叫做廣麪子，餐牌大致上同筲箕灣嗰間係一樣既～價錢就好似貴5~10%左右嚟到緊係要食飯碗切腩撈粗（基於貪心既原因係要埋四寶即係蝦肉雲吞，魚蛋，魚片頭同埋牛丸）。粗麵麵質爽彈無梘水味，撈埋啲甜甜哋既豉油豬油汁再加埋佢哋個辣椒油好正（個辣椒油好香，必加）個牛腩質地我覺得比平時食開冇咁腍有啲乾，反而近筋位嗰啲就balance 返好啲，同埋好似味道比較淡口咁，個人整體覺得係差左既。魚蛋魚片頭keep 到彈牙（但魚蛋我個人都係鍾意食林昌記同王林記多啲，個人口味野），雲吞都多料飽滿，牛丸黑椒味重但係實的的咁無其他丸餃咁出色～