南記海鮮飯店

营业中

休息中

我們今日訂了枱六點食飯，六點叫了叫了龍蝦伊麵和蒸魚，燒鵝和菜，一個羹。等到七點十五分龍蝦伊麵先到，蒸魚要等到七點40分先來，食了一肚氣，我都算喇，差不多八點隔離枱剛剛來，感覺係熟客因為佢地叫了好多海鮮，海鮮好快就上，點解人地唔駛等，而我地就要等一小時四十分鐘條魚先嚟。我有問佢，佢話剛才有100個外賣廚房要做咗外賣先。如果我八點來就唔駛等。你信唔信呀？我做錯咩，我點知道食早場係你地繁忙時間，要等咁耐先食完一餐飯？隔離枱係咪熟客有特別優待我唔知，佢答我，咁你而家想點呀？咁你食咗條魚未呀？食咗咪得囉！員工態度惡劣！我地唔係成日食呢間但都幫襯過十幾次，今次好失望，呢間南記我永遠唔會去！