一入去環境好寬敞，裝修幾Modern，唔會有嗰種好逼好嘈嘅感覺，攞嘢食條路都好順暢。我哋揀咗晚市120分鐘放題，時間充裕啲可以慢慢歎。
講返重點，食物真係多到眼花撩亂呀！
回本必食海鮮區 🦀🦪
海鮮陣容真係多，韓國直送醬油蟹，醬油味調得啱啱好，唔會死鹹，用嚟送飯一流。蒸海鮮系列，有蠔、鮑魚、紅蟹、紅扇貝，全部即蒸熱辣辣，特別係隻蠔，肥美多汁，鮮味十足，完全唔係一般自助餐嗰種雪藏貨色，仲鮑魚粥好綿好滑，當然唔少得刺身
韓式熱食 & 熟食 🔥
聽講呢度90%食材都係韓國黎，食落真係好地道: 星期六日限定嘅燉牛肋排，非常之惹味；人蔘雞湯，湯底好足料，飲完暖笠笠，感覺好補；韓式雙味炸雞，炸粉唔厚，雞肉仲係Juicy嘅，辣炒年糕、魚糕串，同多款其他炸物
其他特色小食 🍣
紫菜包飯卷 & 雜錦壽司，雖然係澱粉質，但做得好精緻，忍唔住食咗幾舊。
甜品🍦
食到幾飽都要留肚食甜品！Gelato雪糕 & 韓式雪條，真係好似係韓國便利店買嗰種味，仲有自製窩夫同朱古力火鍋，Yum😋
Chef Zone 絕對有驚喜嘅！唔單止係款式多，味道好正宗。如果你係韓食控，又想一次過試晒醬油蟹、蒸海鮮同各種韓式料理，呢度絕對值得一試！
2
1
