CHEF ZONE

酒店自助餐、日式放題食得多，唔知大家有冇食過韓式自助餐呢？今次同大家介紹，呢間係全港首間韓國自助餐🇰🇷，90%食材及用料來自韓國，超過150款地道韓國美食❣️由韓籍廚師主理，堅持傳統工藝，環境寬敞舒適。食物款式超豐富，平時食得多日本刺身，韓式刺身都係第一次，呢度有滋補鱸魚、海上貴族真鯛、巨型石斑魚、深海鯛魚、比目魚卡爾帕喬、魷魚絲。我覺得比目魚卡爾帕喬都幾開胃，加咗檸檬、洋蔥絲，味道酸酸地。魷魚絲遠睇河粉或冷烏冬，原來係魷魚絲，好得意，食落唔會韌。鍾意食韓式拌飯嘅話，超過10款拌菜小食，可因個人喜好隨意添加小菜。更有韓國直送醬油蟹，蟹肉都幾鮮甜呀。醬油蝦都幾大隻，都好入味呀！食得辣嘅話，可以試下辣味蟹啦。壽司種類好豐富，細細舊飯都幾方便，食材都係以韓式食物為主。有一個corner係即叫即整，我試咗生牛肉粟米，用雪糕筒裝住，都幾特意，有啲似生牛肉他他嘅口感。熟食方面都好豐富，包括炸物、串燒、炸雞、人蔘雞湯、鮑魚粥、酥皮濃湯、魚板串等等。飲返啖人蔘雞湯暖下個胃，人蔘味都幾濃下。最有驚喜係鮑魚粥，口感好似baby food嘅口感，啲粥煲得好綿密，香甜易入口，都幾啱小朋友食呀！甜品方面都幾多選擇，淨係冬甩都有好多隻味！有韓式軟雪糕，估唔到仲有Gelato，有士多啤梨同抹茶味，成個雪櫃都係韓式雪條！！！咁多隻味，超滿足呀！食後感想，呢個價錢幾抵食，食物種類真係幾多下，食完真係捧住個肚走人，而且都坐得幾舒服，都幾啱一班朋友聚會，性價比認真唔錯！…さらに見る

為食嘅你準備好未？Chef Zone呢間由韓國廚師團隊主理嘅自助餐，真係可以話係「韓食迷」嘅天堂！餐廳有成16個美食專區、超過150款食物，絕對係花多眼亂。等我同你詳細導航一下啦！區域 重點美食🦀 醬油海鮮區： 醬油蟹、醬油鮑魚、醬油蝦🍣 壽司與刺身區 ：50多款迷你壽司/軍艦/卷物、刺身🍲 經典韓食熱葷區：人參雞湯、鮑魚湯、燉牛肋排、炒粉絲、泡菜五花肉🍢 街頭小食區 ：辣炒年糕、韓式炸雞、魚糕串、多款炸物🍖 燒烤與肉類區 ：烤五花肉、韓式烤牛肉、傳統韓國豬手🧇 甜品區 ：自製窩夫、韓式雪條、Gelato雪糕、朱古力火鍋🍹 飲品區 汽水、果汁、傳統韓國米酒、咖啡👑 必食精選：· 醬油蟹：雖然有食客指出係公蟹所以冇膏，但亦有食客大讚蟹膏澎湃，蟹肉如啫喱般滑溜，用傳統食法將蟹膏撈落熱飯再加麻油，非常惹味。· 莞島醬鮑魚：來自韓國莞島嘅名產鮑魚，肉質爽彈，醬油醃得恰到好處。· 韓式烤牛肉：採用牛小排部位，預先醃製得甜鹹適中，烤完後肉汁鎖得好好。· 鮑魚粥同人蔘雞湯：超足料超夠火喉！好味到我encore左兩轉！💡 飲食小貼士想喺Chef Zone有最佳體驗，可以參考以下貼士：· 隱藏食法：有食客推薦用芝麻葉代替生菜，包住烤五花肉再加一片烤蒜片，香氣會提升到另一個境界。· 甜品推薦：甜品區有韓國大熱的牛角包窩夫，可以親手製作，再加一球韓國直送雪糕，非常邪惡。· 留意時段：平日午餐價格最為優惠，而且用餐時間更長，部分時段可長達120分鐘。…さらに見る

「選擇困難症」慎入尖沙咀最近登場咗香港首個韓國壽司及韓食主題自助餐品牌 … 自助餐菜式選擇真係好多、好多、好多 … 應該有超過150 款菜式！1️⃣ Round OneShrimp Sushi5式大蝦壽司哈哈哈哈哈 😄 係5式大蝦壽司，款式仲好新穎。現場應該仲有更多其他款式嘅蝦壽司！我特別喜歡佈滿芝士碎嘅蝦壽司同埋醬油蝦壽司 … 正！2️⃣ Round TwoHirame Carpaccio、Korean Sashimi、Tartare Beef Gunkanmaki比目魚 Carpaccio、韓式魚生 、生牛肉軍艦、醬油蝦、醬油蟹。以咁嘅收費，能夠提供呢種級數，性價比相當高。3️⃣ Round ThreeHot Dish 熱食Korean Style Braised Ox Tongue 韓式「白玉」滷牛脷熱食方面亦有亮點 —— 韓式滷牛脷，食材燜得嫩滑，帶點厚實口感，食過一致好評。4️⃣ Round Four Jeonbokjuk 전복죽Korean Wando Abalone Porridge 韓國莞島鮑魚粥 - 位於韓國全羅南道莞島（완도）盛產聞名全國的頂級鮑魚。將鮑魚肉同鮑魚肝製成肝醬都加入粥底，粥嘅鮮味提升不少。我食咗三碗嘅鮑魚粥肉質細嫩，有獨特鮮甜風味 … 正👍🏻5️⃣ Round FiveYukhoe, Korean Raw Beef + Banchan韓式生拌牛肉Yukhoe 及各式韓國飯饌 Banchan。想體驗韓式傳統風味，韓式生拌牛肉 Yukhoe 同一系列飯饌小菜絕對唔可以錯過。平時自助餐未必會特別留意 banchan，但呢度做得好認真，味道正宗，做得相當出色。6️⃣ Round SixDessert & Fruit水果甜品篇自製雪花冰、各式韓國進口人氣冰淇淋對我嚟講都充滿新鮮感🔔其中有一個細節令氣氛升溫 —— 每逢鈴聲響起，即場會提供韓國直送醬油蟹、紅蟹，以及新鮮出爐炸雞。仲要有部LAZO自助泡面機, 好想下次嚟試吓用佢整碗辛辣麵。下次先啦！由韓國人團隊親自主理，整體口味正宗地道，海量菜式選擇加上環境寬敞舒適，尖沙咀人均約$300 嘅晚餐相當抵食！…さらに見る

#尖沙咀平民價海量Buffet —— Chef Zone 琴日同朋友去咗尖沙咀卡佛大廈3樓呢間新開冇耐嘅 **Chef Zone**，標榜日韓主題任食buffet。價錢唔算貴：晚市兩個人埋單 $766（$348/位，再加一），以尖東TST地段嚟講，真心算抵。 ---## 🌟 環境感覺 裝修光猛乾淨，企位大排似日本壽司Bar咁，整體氣氛都算舒服。120分鐘食到飽飽滯滯，唔會趕人，算幾輕鬆。 ---## 🍣 壽司 & 刺身 一入場成個壽司counter最吸睛，款式超多。 - **刺身**：三文魚係主打，部份係厚切，脂香OK；仲有白身魚、吞拿魚，仲見到鮑魚仔。三文魚味道尚可，唔算頂級靚貨，但以呢個價錢已經滿意。 - **壽司**：選擇驚人，幾乎全部都有厚厚醬汁或者芝士焗面，行「重口味」路線。味道唔錯，不過食多幾件會有啲膩。 **重點推介**：可以自組海鮮飯，自己加刺身、魚子、紫菜，玩味幾高。 ---## 🍲 日韓熱食區 - **韓式豬手 & 白切肉**：呢個幾出色，豬手炆得軟腍，加埋酸辣泡菜一齊食，完全有韓國汗蒸幕食堂嘅feel。 - **韓式炸雞**：有甜辣味，炸漿厚少少，但肉仲算多汁。 - **牛肉/羊肉**：炆得夠味，但肥膏多，食幾舊就停手。 - **其他**：仲有小點心、焗酥皮湯、煎餅……總之種類唔少。 ---## 🧁 甜品 & 飲品 - **自助窩夫同吉士卷**：有職員幫你烘，幾好玩，但要等一陣。 - **雪花冰機**：可以自己整一碗韓式刨冰，配豆同紅豆幾過癮。 - **韓國雪糕雪條**：一大桶任拎！有魚仔紅豆、薄荷朱古力、士多啤梨……韓迷見到應該會開心到暈。 - **韓國直送茶包**：要歎慢慢沖都得，選擇多過一般buffet。 ---## 💰 總結 Chef Zone 嘅定位好清晰：**多款式 + 實在價 + 食到飽**。 當然，唔好抱住頂級刺身酒店buffet嘅期望，呢度係俾你同朋友邊吹水邊試唔同嘢食。壽司刺身算OK，熱食款式多，豬手、韓式小食幾有驚喜，甜品同雪糕選擇豐富。 以尖沙咀$348晚市價位嚟講，真係抵玩，特別係大胃王或者鐘意試款式嘅人。 👉 整體評分：⭐⭐⭐⭐（4/5） 📌 必食：韓式豬手、三文魚刺身、雪糕雪條…さらに見る

🇰🇷👨🏻‍🍳【 CHEF ZONE 】👨🏻‍🍳🇰🇷 ⋄ —————⧫♟⧫————— ⋄通常煲完韓劇都會好饞韓國美食，呢個時候食韓式自助餐就啱曬😆👏🏻 呢度好多Staff都系韓國人，講韓文或英文💬 環境寬敞，空間感十足，張枱都大過人😌韓國菜式一應具全：醬油蟹、生牛肉、人參雞湯、辣炒年糕、烤五花肉、韓式炸雞、紫菜飯卷、泡菜煎餅、泡菜炒飯、韓式炒粉絲…… 多到數唔曬🎉食物種類包羅萬有：前菜、沙律、肉類、海鮮、主食、熱葷、炸物、壽司、剌身、湯品、甜品、雪糕，甚至有乳酪、雪花冰，根本冇可能食得曬‼️⋄ ┄ ┄ ┄ ┄ ❖ ┄ ┄ ┄ ┄ ⋄星期一至五： （90分鐘）午餐：成人$298、小童$168晚餐：成人$318、小童$178 週末、週日、公眾假期： （90分鐘）全日無分入座時段：成人$338、小童$188 ⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：CHEF ZONE (尖沙咀)尖沙咀加拿芬道20號加拿芬廣場3樓⋄…さらに見る

餐廳：CHEF ZONE (尖沙咀)地址：尖沙咀加拿芬道20號加拿芬廣場3樓最近尖沙咀美食地圖又再增添新星🌟，呢間全港首創嘅韓國美食自助餐CHEF ZONE一開張就已經吸引大批食客去捧場，仲要唔少人都大讚同比好評👍，搞到我決定要去試吓😎餐廳佔咗加拿芬廣場成層3樓，空間感十足，地方之大同廣闊，足以容納大量座位同十幾個美食corner俾你任飲任食，今次平日過嚟，午市食足150分鐘都喺$238，而專為打工仔設計嘅60分鐘任食就收$188（個人建議有時間緊喺揀2個半鐘啦🤣），晚市同星期六日假期就設有90同120分鐘放題，依家提早訂座仲有折扣優惠😍。想take away拎返公司/屋企食嘅仲可以喺指定時間過嚟比低$89-$99，就可以喺10分鐘內自由裝滿飯盒攞走，不過刺身同醬油海鮮等部份食物就唔俾拎喇🙅‍♂️未開始食已經覺得興奮😆，全場超過150款地道韓食任你食，仲要喺由韓籍廚師主理，好多職員都喺用韓文溝通，加上大部分食材由韓國直送，堅持傳統工藝嘅佢哋，用自助餐嘅方式將正宗韓國味道帶比食客👍雲雲食物當中，都有啲必食推介，例如韓國直送嘅海鮮，包括醬油蟹、紅蟹🦀、鮑魚同蠔🦪，鍾意食海鮮嘅人一定唔可以錯過；壽司corner接近有30款壽司俾你揀，蒜香烤牛肉壽司、帶子壽司等款式夠多夠新鮮🍣，而我更鍾意食刺身當中嘅比目魚卡爾帕喬、魷魚絲同生牛肉，好食到encore咗幾轉🤩；另外仲有即製鰻魚飯同手卷可以一試新鮮出爐嘅酥皮濃湯喺搶手食物，差唔多每30分鐘出一round，一出就好快俾人拎晒，將酥皮浸入蘑菇湯一齊食真心無得頂🍲；依家天氣涼涼哋我特別鍾意食夠晒暖身又足料嘅人蔘雞湯同鮑魚粥，兩樣都喺韓國傳統美食；生菜包即烤豬肉、炸豬扒同pizza亦喺我嘅至愛🍕，辣炒年糕同魚糕串就更加唔可以錯過😌甜品方面有多款即叫即整嘅烘焙美食，想即場加熱就可以叫職員幫手，例如窩夫🧇、牛角包同咖啡豆麵包咁，當然唔少得自家製蛋糕同馬卡龍、軟雪糕機、Gelato、夾糖、朱古力噴泉同韓國雪條等，真實啱晒甜品控🧁；飲品就有10款韓國直送熱茶🍵、咖啡機、自家製茶、Lemonade、ChaTraMue泰式奶茶、汽水可樂等🥤…さらに見る

今日同朋友去咗尖沙咀Chef Zone，全港首間韓國自助餐，即刻約埋班友衝上去試下😋地方勁大環境光猛又闊落，座位夠晒多達250個，仲播住啲音樂勁放鬆，服務員做野又快又乾淨，體驗一流🤗晚市90分鐘任食勁多款韓式美饌，選擇多到眼花撩亂，海鮮刺身韓食甜品一網打盡，抵到爆燈！🦀 醬油蟹同焗蟹都有，全部大大隻朋落勁新鮮，仲要refill得好快長期都available，中意食蟹人士黎呢到即刻回本！🍣 多款壽司刺身壽司款式超多，仲有好多特別款例如五花肉壽司、生牛肉軍艦等等；刺身清甜滑溜似足日式自助餐🐔韓式炸雞原味同韓式甜辣醬既都有，仲keep到脆卜卜熱辣辣🥰🍲忌廉酥皮湯最估唔到呢到竟然有酥皮濃湯，好耐無食過好懷念🥳酥皮勁濃牛油香，下面係濃郁忌廉湯，配埋一齊食口感味道大爆炸😱🧇 窩夫、鬆餅大量冷熱甜品小食都有，連窩夫都可以叫店員幫手即場製作，雪糕雪條款式亦勁多，完全唔識點揀！…さらに見る

朋友介紹尖沙咀新開左香港首個韓食主題自助餐，自助餐食物同飲品選擇真係好多，花多眼亂。先講餐廳光線好充足，夾食物的地方同座位空間感都好足夠好闊落，一啲迫的感覺都無。佢食物種類分左好多部分，叫得做韓食主題自助餐，當然會有泡菜，韓國漬物，韓國卷物，有壽司，軍艦，韓國卷物，魚串糕，炒年糕，炸雞，豬手，牛肋骨等等呢啲韓國食物外，估唔到仲有生牛肉，韓式拌飯，豬手等等。仲有壽司，刺身，海鮮有蠔，蟹，鮑魚。另外，有幾樣CHEFLIVECORNER，係可以叫職員即場整的食物，我試左吞拿魚海膽大卷，都幾新鮮，至少個海膽無臭味。熟食的選擇都好多，有好多唔同的炸物，有PIZZA，仲有可以自己煮韓國麵，同埋酥皮湯；沙律都有好多唔同選擇，我食左兩轉蟹柳蘋果沙律。甜品有軟雪糕，GELATO，少少蛋糕同水果，仲有窩夫，朱古力噴泉同爆谷，小朋友一定好開心。估唔到呢到連野飲都好多選擇，咖啡茶，汽水，特別飲品如泰式奶茶同LEMONADE都有，呢到性價比真係好高，好推介。…さらに見る

行開尖沙咀試咗CHEF ZONE，一次過試勻佢哋幾款招牌菜，每樣都有驚喜！先講辣炒年糕，一上枱就聞到濃濃嘅韓式辣醬香，年糕煮得軟糯彈牙，吸收晒辣醬嘅精華，仲有魚糕同椰菜做配料，辣度啱啱好，越食越開胃。壽司款式多到眼花撩亂，三文魚壽司油脂甘香，吞拿魚赤身鮮味十足，最特別係火炙左口魚邊，微微焦香帶出豐腴油脂，入口即化。醋飯握得鬆緊得宜，溫度同酸度都平衡得好好，每件壽司都見師傅功力。餃子煎得金黃酥脆，外皮薄身，內餡飽滿多汁。咬開個陣熱辣辣嘅湯汁湧出，豬肉同蔬菜比例恰到好處，點埋少少醋同辣油，更加惹味。三款菜式展現唔同嘅亞洲風味，由韓式嘅辣勁到日式嘅精緻，再到中式嘅香口，每樣都處理得恰到好處。雖然菜式風格各異，但質素都保持到高水準，絕對係多元化選擇嘅好去處。…さらに見る

絕對是韓食的天堂! 由韓國人主理的正宗韓式自助餐！坦白講，真係超心動! 現場四周都係韓國廚師、客人，以為自己去咗韓國食自助餐! 環境好新淨、空間感超廣、食物選擇非常多，超過150款，90%食材及用料來自韓國，95折優惠活動仍進行中，強烈推薦🫶🏻必食之選🫕 酥皮忌廉湯：見大家排住隊拎好受歡迎，有驚喜，夠酥脆有水準！🍙雜錦壽司：好誇張有成廿款創意口味，以佈上芝士為主，食得多有點濟，可以食埋新鮮刺身🦀韓國直送醬油蟹：啖啖蟹膏，撈白飯一流🍱韓式紫菜包飯卷：最鐘意牛肉🐓人蔘雞湯：勁地道！🐂韓式烤牛肋骨：非常軟腍，醃得好入味🍗雙味炸雞：有原味和甜辣味，略嫌不夠熱🍢炒年糕：記得去看，街頭小食區！年糕有兩種口味，仲有魚糕等好多傳統韓國小食🍦韓國軟雪糕/雪條Bar：蜜瓜味必試，可以整埋刨冰，朱古力噴泉，太正了！11月14日 起新增蒸海鮮、鮑魚、蠔、紅蟹、蟹、紅扇貝！下次我要再食過❣️…さらに見る

放題就食得多，但見到$238可以任食韓國醬油蟹同原隻紅蟹🤯，我同老公即刻雙眼發光✨！今次特登走黎尖沙咀《Chef Zone》，話係全港首間韓國自助餐🇰🇷，仲要由韓國廚師主理👨‍🍳，對於我們這對蟹控夫婦來說，簡直是無法抗拒的誘惑💘！餐廳燈光柔和💡，感覺舒服又闊落，唔會人逼人，攞食物又好方便🚶‍♀️🚶‍♂️。🌟重點黎喇🌟海鮮區真係不得了！原隻「紅蟹」熱辣辣出爐🔥，仲係不停補貨㗎！新鮮易開，蟹肉爆滿🦀，仲帶住淡淡海水鹹香🌊，食落鮮甜到不得了😋！今次真係抵到爛！「醬油蟹」任食唔肉痛💸，平時出去食，一隻起碼兩百幾蚊，而家...💥，回本絕對無難度😆💰其他熱食都好有驚喜🎁：•人蔘雞湯真材實料🍲，飲完成個身暖笠笠❤️•韓式豬手炆得超軟糯🐷，用生菜包住食減低膩感🥬•炸雞雙拼一次過滿足甜辣兩個願望🍗🔥•鮑魚三食裡面，我最鍾意牛油烤🧈，香氣撲鼻👃！最後當然要食返杯韓國軟雪糕完美收官🍦，超滿足哦！💯…さらに見る

終於約齊朋友試呢間新開又好出名既韓式自助餐😍喺尖沙咀加拿芬廣場，地段十分便利👏🏻平時放題店通常會坐得比較迫，但chef zone完全冇呢個問題！環境寬敞，座位舒適，環境仲好光猛，俾人一種乾淨同整潔既氛圍🥰食物區分類十分清晰，由前菜到甜品區應有盡有，太誇張😂今期主題係seafood fest, 一次過有得品嚐蒸紅蟹、蒸生蠔，蒸紅扇貝，蒸鮑魚同鮑魚粥等等海鮮，仲要refill得好快，完全唔駛等👍 私心推介係蒸紅扇貝同鮑魚粥，好鮮甜入味！另外要推介壽司區，有超過50款壽司，大蝦牛油果卷必食！食食下仲有架車仔推出即拆醬油蟹，蟹殻好多膏，仲會配埋白飯，正宗食法😍仲有即食麵機，第一次玩，幾得意，仲會有不同配料俾你剝麵，芝士配辛辣麵就基本啦🤩其實食品款式真係多到食唔晒，要下次encore再試吓其他未食過既野🥳…さらに見る

尖沙咀呢間放題店，第一時間就被琳瑯滿目嘅食物選擇吸引。壽司吧枱上整齊排列著各式壽司，由經典三文魚、吞拿魚到創意卷物都一應俱全。特別欣賞火炙系列，微微焦香帶出魚油甘香，醋飯溫度同酸度都調得剛好。海鮮區嘅長腳蟹絕對係亮點，蟹腳已經細心剪開，輕輕一掰就見到飽滿蟹肉。入口鮮甜多汁，完全唔會有雪藏味，忍唔住拎完一次又一次。旁邊仲有即開生蠔，海水味十足，蠔身飽滿creamy。轉個頭見到雪糕櫃放滿各種韓國人氣品牌，由香甜嘅蜜瓜味到濃郁嘅朱古力都有。最驚喜係有比較少見嘅韓式年糕雪糕，煙韌年糕粒同冰凍雪糕形成有趣對比。食完熱氣騰騰嘅熟食，嚟杯冰涼雪糕簡直係完美句號。熟食區同樣精彩，天婦羅炸得鬆化不油膩，燒物火候掌握得恰到好處。雖然係放題形式，但每款食物都保持到應有水準，完全冇因為任食而馬虎了事。…さらに見る

尖沙咀加拿芬廣場試新開嘅韓式自助餐，係韓國人主理 ，120分鐘自助放題$348，都算可以😌 韓國人主理嘅醬油蟹超地道，大部分食材都係來自韓國，非常有風味🤩 好多唔同款式嘅嘢食，總有一款啱你胃口！必食推薦：🦀 醬油蟹 👍🏻👍🏻👍🏻🦀 醬油蝦 👍🏻👍🏻👍🏻醬油蟹同醬油蝦醃得好入味，蟹膏甘香，蝦肉爽彈🦀 紅蟹 👍🏻👍🏻👍🏻紅蟹好多膏，蟹肉好鮮甜🍣 韓式壽司 👍🏻👍🏻👍🏻韓式壽司同日本嘅好唔同，卷飯細細件唔會太飽，特別喜歡佢哋嘅軍艦🥓 燒五花腩 👍🏻👍🏻👍🏻燒五花腩燒到脆卜卜，juicy得嚟唔會太油膩🍗 炸雞 👍🏻👍🏻👍🏻炸雞做到肉嫩多汁，韓式辣醬好惹味🥠 韓式年糕 👍🏻👍🏻👍🏻韓式年糕煙煙韌韌，點辣汁真係停唔到口🥣 人蔘雞湯 👍🏻👍🏻👍🏻湯品我最鍾意人蔘雞湯，材料足又暖胃，飲完成個人好舒服🍦甜品 👍🏻👍🏻👍🏻甜品有齊各式韓式雪條，雪糕刨冰、即烘窩夫外脆內軟，熱辣辣嘅雞蛋仔，仲有各種飲品👍🏻👍🏻👍🏻👍🏻👍🏻（最推薦）- 👎🏻（可以唔使試）…さらに見る

香港食過最多韓式料理既放題醬油蟹、醬油蝦都任食！仲有韓國直送紅蟹每樣食一啖都飽晒由韓籍廚師主理口味好正宗餐廳佔地全層勁大勁寬敞環境乾淨野食refill得都好快由韓式小菜、炸物、魚板串、香腸年糕串、Pizza、韓式炸雞、蒸餃子、燒賣、炸紫菜粉絲卷、酥皮濃湯、泡菜煎餅…到熱食及主食：燉牛肋排、人蔘雞湯、鮑魚粥、炸醬麵、炒瑪麵、炒粉絲、魚生飯生牛肉拌飯、韓國麻藥豬手、烤五花腩、辣炒豬肉…仲有醬油蟹/蝦/章魚和三文魚等刺身食落都唔錯壽司區都勁大，目測有40+款壽司包括日式握壽司、特色卷物、魚生壽司、炙燒壽司、韓式飯卷等最鍾意佢舊飯係細細舊，可以試多幾款特別一提！必食自煮公仔麵可以加料煮豪華版辛辣麵！甜點都好吸引有朱古力噴泉（好耐冇係放題見過）、Croffle、自己整格仔餅、冬甩🍩、galeto、多款韓國特色雪糕雪條、macaroons、自製刨冰有勁多toppings可以加飲品區都好多種類，特別推薦韓式花茶價錢都好抵，影片最後有價錢menu晚市及星期六日設有 90/ 120 分鐘放題可選…さらに見る