影片
更多
2012-02-07
13 浏览
上星期跟同事(一行5人)去了那裏開餐. 成世女都未去過重慶大廈, 一個龍蛇混雜的地方. 因上了openrice 睇過, 都先訂了位, 一入到重慶大廈, 朋友問我係邊家. 當我地周圍望, 有人問我地找邊間, 我地就話叫咖喱王, 佢就話間間都叫咖喱王窩, 死啦, 點算呢. 好彩我記得係E座的, 那人就主動帶路, 都唔識路, 為有跟啦, 行了幾個彎, 就有個印巴人士拿了張寫住咖喱王VIP 咭指令我地去搭lift 啦. 上到去, 地方唔大的, 有一間房仔, 可坐5人, 好似有3張可坐8人的桌, 再有兩張4人桌. 坐下就會有人招待的, 服務唔錯家, 有水比你自己加. 其實咖哩都離唔開雞/牛/羊/魚/蝦, 那裏無蟹的. 當我地叫菜時, 有個叫Johnny 的30-40歲男人好熱誠地走埋黎, 說"你地想叫menu 上的菜, 還是我介紹比你地果D 呀. 我介紹的menu 無家窩. 白飯我送的, 黎個咖哩雞/牛/羊/魚/菜啦, 見佢咁熱誠, 我地唔好意思推辭啦. 咪比佢發牌. 至於, 薄餅就唔少得啦, 佢就介紹了蒜蓉和芝士兩種.我地想叫埋蝦, 佢話唔抵食, 就無叫到呢. 差唔多15分鐘, 就上晒菜啦.
先講下咖哩類, 真係隻隻咖哩都唔同味, 我的朋友就話羊好"show", 最好食係雞那種咖哩, 魚的咖哩就普通啦, 菜咖哩就麻麻啦, 牛肉咖哩唔錯, 但牛肉好勒.
蒜蓉薄餅好大塊呀, 有3大塊, 一碟10幾元, 夠晒4-5人食啦, 不過芝士薄餅就細塊好多, 份量是蒜蓉薄餅的3分1,唔知點解. 可能芝士薄餅太大塊, 好"留"啦.
因有兩個男士, 我地再加了一個燒雞拼盤, 不過就麻麻地, 乾乾的.
一叫完菜, 就會有人送上9折VIP 咭比你備用家啦.
老實講, 那Johnny 似乎推介每桌都是一樣似的. 如有網友, 都係食我講的野, 回應下, prove 下我講的野呀.
最後埋單, $372, 真係好抵呢. 你去那些香X屋, 都一定要成舊水啦.
张贴