立鮨 (富達大廈)

营业中

休息中

首次係香港體驗立食壽司。朋友介紹過呢間日式壽司店既壽司好好食，所以特登黎左旺角分店食晚餐。平日7點都已經好多人等緊位，好在可能係立食既關係，人流可以去得快d ，就算多人等但都好快會入到去。望到餐牌有好多選擇，仲有期間限定同本月精選，真係令人花多眼亂，仲要望住一盤盤刺身排列哂係面前，簡直係樣樣都好想食，好吸引。當樣樣都想食既時候，最好既選擇係拼盤呀！叫左特選三文魚盛合同立鮨特選盛合。食材新鮮，油甘魚壽司，味道甘甜。發覺餐廳用既壽司飯顏色較深，原來加入左赤醋。點完再點既鰻魚壽司，真係好滋味，鰻魚肥厚肉質唔鬆散，調味又剛剛好，帶魚油香味。仲有燒三文魚腩都好出色，啖啖油香。珍寶赤蝦味道濃郁、肉質爽滑櫻花蝦玉子燒 加左脆薄既櫻花蝦，面層仲有大大粒既魚子，令玉子燒食落既口感好豐富。邊食邊發現，原來好多都係叫外賣拎走食既，見師傅都不停手咁邊處理堂食既壽司又邊打包緊外賣既壽司。所以整體等位同等野食既流程都幾快手。高質壽司，以後食壽司又多個選擇。期待銅鑼灣分店，到時可以外帶番公司食。