古今二 (荃新天地)

营业中

休息中

依間餐廳嘅特色卷物係唔少人會嚟食嘅野，啲名改得幾有趣，煙花、烈焰紅唇、午夜牛郎，好彩每款卷物都有寫明有啲咩餡料，依個彩虹卷就有刺身同牛油果喺面，中間係蟹柳同埋青瓜，有時食得多壽司，想食下特別啲嘅配搭、唔同嘅卷物，咁依度嘅選擇都幾多👌雜錦天婦羅有三款，除咗蝦同埋小紫薯，比較特別嘅係有秋葵蝦肉天婦羅，感覺有少少似煎釀三寶，秋葵中間釀咗啲蝦肉再拎去炸，咁樣減輕咗秋葵嗰種滑潺潺嘅口感⬇️另外叫咗個海鮮味噌湯暖一暖胃，個味噌湯嘅料相當足，湯同料可以話差不多一半一半，海鮮有蝦有蜆，仲有啲豆腐、腐皮。