影片
更多
2024-06-21
71 浏览
Omakase 愈出愈多😋相信大家都唔會陌生~不過鐵板燒版嘅omakase我就唔常食今次同男朋友嚟到 #龍亭先知道原來食鐵板燒都可以咁講究😍我哋分別叫咗一個588(5道菜）同埋788（7道菜）嘅omakase套餐再加多支 金紋世界鷹.純米吟釀🍶因為一來大家可以食吓唔同嘢，二來我本身冇男朋友食咁多嘢🙈.我哋💂🏻👸🏻兩個餐夾埋食咗以下嘅嘢食：1️⃣沙律係兩個餐都有~大家都係煙三文魚沙律🥗中間落咗柚子醋，而碟上亦有黑醋去調味係一道幾開胃嘅前菜.2️⃣前菜🥚蘭王蛋（788餐限定）佢面頭有魚子醬之餘，個底仲有白松露😍撈勻嚟食味道好夾，蘭王蛋果然命不虛傳，蛋味香濃同埋色澤好飽滿.3️⃣菊花豆腐白面豉湯（788餐限定）比起平時多咗陣鮮甜味，唔係得個鹹字，唔知係落咗啲咩秘密材料？🙈😂自問試味都算叻嘅我都估唔到，淨係講得出係海鮮嘅甜，但實際係咩海鮮我辨識唔到.4️⃣鐵板海鮮二品（款1）兩個餐一樣都係會有海鮮，但係就由師傅發板決定畀咩海鮮我哋，其中一款就係有東星斑🐟同埋鮑魚，鮑魚個味係有經過醃漬，食到佢個味唔係流於表面，而係入埋去個中心位，好好食👍🏻覺得最特別係佢有用碟豆花製作成泡沫嚟做一個微調味鐵板海鮮二品（款2）牛油
相信大家都唔會陌生~
不過鐵板燒版嘅omakase我就唔常食
今次同男朋友嚟到 #龍亭
先知道原來食鐵板燒都可以咁講究😍
我哋分別叫咗一個588(5道菜）同埋788（7道菜）嘅omakase套餐
再加多支 金紋世界鷹.純米吟釀🍶
因為一來大家可以食吓唔同嘢，二來我本身冇男朋友食咁多嘢🙈
.
我哋💂🏻👸🏻兩個餐夾埋食咗以下嘅嘢食：
1️⃣沙律係兩個餐都有~大家都係煙三文魚沙律🥗
中間落咗柚子醋，而碟上亦有黑醋去調味
係一道幾開胃嘅前菜
.
2️⃣前菜🥚蘭王蛋（788餐限定）
佢面頭有魚子醬之餘，個底仲有白松露😍撈勻嚟食味道好夾，蘭王蛋果然命不虛傳，蛋味香濃同埋色澤好飽滿
.
3️⃣菊花豆腐白面豉湯（788餐限定）
比起平時多咗陣鮮甜味，唔係得個鹹字，唔知係落咗啲咩秘密材料？🙈😂自問試味都算叻嘅我都估唔到，淨係講得出係海鮮嘅甜，但實際係咩海鮮我辨識唔到
.
4️⃣鐵板海鮮二品（款1）
兩個餐一樣都係會有海鮮，但係就由師傅發板決定畀咩海鮮我哋，其中一款就係有東星斑🐟同埋鮑魚，鮑魚個味係有經過醃漬，食到佢個味唔係流於表面，而係入埋去個中心位，好好食👍🏻覺得最特別係佢有用碟豆花製作成泡沫嚟做一個微調味
鐵板海鮮二品（款2）
牛油黑松露煮扇貝、帶子係另一款海鮮拼盤，帶子好厚肉，而且火喉🔥控制得好好，黑松露同埋牛油做調味真係好夾，底下仲會有片zucchini ，口感形成一個對比，一齊放入口個層次幾好👍🏻
.
5️⃣肉類（款1：宮城縣黑豚扒🐷）
同樣都係兩個餐都有肉類可以揀😋我哋其中一款揀咗黑豚扒，師傅喺旁邊放咗菠蘿🍍辣汁，比起一般會用蘋果蓉嚟配豬嘅西餐多咗一種清新感
肉類（款2：澳洲牛柳粒）❗❗❗❗
呢一款肉真係要大力推介 ❗❗❗❗😍自家製嘅獨子蒜炸蒜片同啲牛一齊食係超級夾，啲蒜片係脆得嚟唔係乾硬，而係有啲似食緊薯片，一咬落去啲蒜味慢慢爆發出嚟😋同啲牛柳粒嘅油脂超級夾💗
.
6️⃣海鮮炒飯（兩個餐都有）
我諗用咩海鮮同埋落咩味去炒都真係睇師傅當日有咩靚食材，幸運嘅我哋可以有齊自己鍾意食嘅食材喺碗炒飯度，包括有日本🇯🇵馬糞海膽、意大利黑松露、大蝦同埋醬漬三文魚籽😍重要嘅係一定要將啲食材撈勻佢嚟食，特別係啲三文魚籽，一咬落去嗰吓嘅爆發真係令啲炒飯再上咗一個層次😋
.
7️⃣甜品
我哋有兩款唔同嘅甜品，一款係紫薯雪糕而另一款係柚子雪芭，佢哋有一個共同點就係面頭都有爆爆珠，唔係平時出面食到嘅味😳係紅豆沙味❗❗❗估唔到原來紫薯雪糕咁夾紅豆沙嘅味，最正係食食吓爆發出嚟嘅嗰吓，真係好surprised 😍😍😍
柚子雪芭就相對清新同埋解膩啲，食到太飽如我就可以食多幾啖嚟中和吓
.
整體嚟講，好欣賞師傅用心去準備呢度嘅食物，每道菜特別係我話要大推嘅款式真係感受到師傅對食材嘅認真，會思考點樣配搭先可以將個食材嘅味道提升，個人覺得好值得同另一半或者家人嚟慶祝好好食一餐🍶不過可能要預早啲book ，偷聽到師傅話嚟緊嘅日子晚晚都幾乎full晒
张贴
