彬記粥麵美食

今晚兩人叫咗鵝片、魚皮、排骨淮山煲，最後一碗鯪魚球粥。鵝片好稔滑，滷水汁好夠味，墊底的豆腐都好食。份量好足夠。魚皮夠新鮮夠爽，略嫌硬咗少少，適合喜歡脆口的人。排骨煲火候、調味都好好，我希望多啲淮山。鯪魚球粥粥底綿滑，鯪魚球喜出望外，夠彈牙夠魚味夠配料，我十分滿意。不過服務就劣到落底。進店無人招呼，我企左係門口櫃枱前十分鐘，所有人都當我透明，冇人問我幾多位亦都冇人理我企喺度做乜。後來見到有人埋單我先飛撲埋去等佢哋執嘢清枱。