彬記粥麵美食

今晚兩人叫咗鵝片、魚皮、排骨淮山煲，最後一碗鯪魚球粥。鵝片好稔滑，滷水汁好夠味，墊底的豆腐都好食。份量好足夠。魚皮夠新鮮夠爽，略嫌硬咗少少，適合喜歡脆口的人。排骨煲火候、調味都好好，我希望多啲淮山。鯪魚球粥粥底綿滑，鯪魚球喜出望外，夠彈牙夠魚味夠配料，我十分滿意。不過服務就劣到落底。進店無人招呼，我企左係門口櫃枱前十分鐘，所有人都當我透明，冇人問我幾多位亦都冇人理我企喺度做乜。後來見到有人埋單我先飛撲埋去等佢哋執嘢清枱。…查看更多

今朝黎彩虹做野 搵咗間街坊鋪頭仔 食早餐叫咗個魚腩粥 入邊3塊魚腩 食落都有鮮味 我自己加咗啲胡椒粉 惹味啲因為個粥冇餐 只可以單點 最後埋單$50 價錢偏貴少少 服務同上餐都可以…查看更多

我今晚看乒乓波比賽，看完就去位於坪石邨的彬記食粥餐。我點左肉碎蠔仔粥$56，招牌小炒皇$88，及上湯鮮蝦雲吞$35。招牌小炒皇的材料新鮮和豐富，好味又好食；鮮蝦雲吞好咬口，蠔仔粥好味又多料。…查看更多

見到海報有味$78的椒鹽脆皮豆腐，就想買外賣幫屋企加餸啦。點知收銀阿姐一嚟就唔太好態度咁講：無喎～豆腐呀嘛，我唔知脆唔脆皮㗎。我解釋其實只係見到餐牌上面咁樣寫，先至咁樣叫嘅，之後佢唔出聲咁樣落左單，就以為無事了。點知返到屋企一打開，成個盒都沾滿橙橙紅紅的七味粉，諗住係特別惹味啫。但係擺入口全部得七味粉既辣，屋企人完全食唔到，貼錢買難受又唔開胃。一方面懷疑自己係咪唔識食，唔知椒鹽豆腐既味就係咁，但係食咁多年港式小炒都未遇過咁既七味七味豆腐；又google完一輪，好似都唔應該係咁樣的。另一方面又擔心係咪自己得罪左收銀，所以咁特別風味。總之就受氣又浪費錢，搞到屋企人食得唔舒服唔開心，好後悔 住附近咁多年都叫唔少彬記外賣，一向都覺得收銀唔係特別nice嘅，但係食物咁過份真係無下次了…查看更多

美食日記店名/Shop Name：彬記粥麵美食 (彩虹)地址/ Adresss: 彩虹清水灣道2號坪石村玉石樓地下109-112號舖種類/Type：晚餐中式推介/Recommend：朝食煎蠔餅和梅菜扣肉飯人均價錢：50至$60梅菜扣肉飯和潮式煎蠔餅梅菜扣肉饭是一道非常地道、美味可口的粤菜名菜，以猪肉和梅菜为主要原料，经过多道工序精心制作而成。它的外观呈现出深红色的猪肉块和充滿醬汁的梅菜，色彩鲜艳，非常诱人。口感上，梅菜扣肉饭的猪肉肥而不腻，入口即化，而梅菜则带有一定的酸甜味道，与猪肉的肥嫩口感相得益彰。此外，梅菜扣肉饭还可以让人感受到米的香气和口感，让整道菜肴更加丰富。总之，梅菜扣肉饭是一道味道浓郁、营养丰富的菜肴，值得一试。潮式煎蚝饼是一道非常受欢迎的美食，以新鲜的蚝肉为主要原料，加上各种调料和配菜制作而成。它的外观呈现出金黄色的饼状，口感酥脆，香气四溢，让人食欲大增。煎蚝饼的外层是由特別的粉漿混合制成的，煎炸后变得酥脆，内部则是包着蚝肉的嫩滑馅料。蚝肉鲜嫩多汁，口感丰富，同时还可以搭配上其他的配料，如鸡蛋、香菜、葱花等，让整个口感更加丰富。此外，煎蚝饼还可以蘸上特制的酱料来食用，这种酱料通常是由酱油、辣椒油、醋等调料混合而成，口感酸辣适中，为煎蚝饼增色不少。总之，潮式煎蚝饼是一道外酥里嫩、香气扑鼻的美食佳肴，不仅味道鲜美，而且营养丰富，值得一试。因為幫襯套餐梅菜扣肉飯，還送了例湯，如果各位下次過來探店，記得要要問有冇例湯送…查看更多

一早買粥早餐問有冇炒粉，見冇反應再問，都係冇，就直接落單之後收銀話覆咗我，我話完全聽唔到如果聽到唔會再叫，最不知所謂見到杯凍o茶跌咗落地仲有碌咗幾下，見佢哋張杯茶直接放係枱面就算，等咗20分鐘先等到外買，見到原來杯茶係我我即叫佢換過杯，佢拎出黎時我再問妳唔係比返之前杯茶我佢話唔係，返到屋企睇到個杯係剛剛跌過凹咗嗰杯凍檸茶，原全冇衛生知識，呢間野之前啲侍應已經好差，再請新人都一樣， 我唔會再幫襯呢間嘢，垃圾粥粉麵店，垃圾待應，垃圾收銀，垃圾茶水，彩虹都大把選擇唔會再去呢間垃圾店…查看更多

今次走咗去坪石村，試吓呢間好出名嘅彬記茶餐廳，之前我哋叫咗胡椒豬肚鹹菜湯，菠蘿生炒骨，同埋一個海鮮湯飯，首先落order到上菜嘅時間非常之快。佢個胡椒豬肚鹹菜湯非常之入味，菠蘿生炒骨又炒到啱啱好甜酸，亦都好好，最後係個海鮮湯飯，佢真係海鮮🤣。海鮮有海鮮味，飯有飯味，湯有湯味，總之一句講晒係好食嘅。…查看更多

第一次嚟呢度食嘢，感覺不太好。首先，啲姐姐態度唔好，落單時黑口黑面然後，老板娘的態度也不好，問少少嘢表現出個kam樣，好串咁樣答我問題有時見到㕑房入面嘅㕑師沒有帶口罩，下次都係唔好去呢間，我寧願去大快活都不去呢間！…查看更多

之前其實試過外賣個鮮茄豬扒，感覺食落ok既鮮蕃都多又唔係用太多茄糕，豬扒又有走油，食落都唔乾。所以今次叫咗五個小菜，諗住試埋其他嘢，點知失望到核爆。首先5個小菜，有2個係完全錯哂。一個係鮮茄豬扒變咗肉絲炒麵，另一個係菠蘿咕嚕雞球變咗雞柳，仲要得返一半好似比人偷食過咁，重點係啲雞柳係變咗架。跟住就係個滑蛋炒蝦仁，冇一個蝦仁啲肉係唔霉⋯⋯同埋油億味好重，鹽又落得好重手。另外兩個係蒜蓉炒西生菜，菜遠炒牛肉，呢2樣係ok既，有鑊氣，質素都正常輸出，不過都係功不抵過。全因打過電話去詢問以上各問題因由，得到回覆係廚師係新嚟既，同不設送外賣，更換比錯既肉絲炒麵。只可下次黎退返肉絲炒麵同茄豬差價果19蚊所以便要求我一家人食啲唔食既嘢。希望你繼續可以生意興隆！即係證明貴餐廳肯接受意見同作出改善。…查看更多

彬記雖然喺彩虹好似都有一段時間，平時都多人幫襯，疫情之前食物質素都唔錯，起碼對得住價錢；自從2020年有一次新聞爆呢度有個廚師中招跟住繼續返工，搞到附近街坊都人心惶惶，過咗一陣恢復正常客量但係食物質素都明顯差咗好多🥱員工服務態度就一向都差食得茶餐廳就預咗唔會有好服務，呢度都係，但係有時真係會睇唔過眼，因為附近都多老人家落嚟食嘢佢哋有時係麻煩少少，不過只係簡單問多少少嘢，或者想要倒杯水都可能會比一啲員工鬧，仲要係成間餐廳都聽到。有個叫亞嬋嘅員工去親都知佢態度差，同佢講落單佢就會越行越遠跟住先問你食咩，落完單俾張單你嘅時候就會離遠飛張單過嚟，唔識行近少少放低張單咩？態度差都算，啲食物質素依家真係越嚟越差彬記其實可能中式嘅嘢先係比較掂，即係粥粉飯嗰啲，平時幫襯開都仲覺得OK，麵就真心麻麻哋，尤其是早餐完全都唔知食緊乜，以前早餐公仔麵嗰啲湯底都幾好，而家又唔知搞咩越嚟越差，如果唔叫沙嗲牛肉就咁清湯湯底就會好難食，有時冇沙嗲牛肉就會叫豬扒，但係豬扒份量非常之少，只有半隻手份量仲要得一嚿，又硬又多骨，食完就好似冇食到咁樣。仲試過公仔麵用鹼水麵嘅湯底，麵嗰啲真係難食幫襯左咁耐第一次嬲都要喺度寫食評，嗰個咁嘅阿婆態度差都算，啲食物仲要再差啲；同埋本身彬記啲嘢食都係偏貴，除咗早餐之外，依家仲要學人加價但係啲食物質素就反而差咗，幫襯左咁耐都係第一次嬲到要喺度寫食評，仲有就係如果遇到嗰個員工，真係唔使客氣可以串返佢，出到嚟做服務行業唔係話一定要你好有禮貌但係有返基本尊重同埋好啲嘅態度都可以掛？…查看更多

嗌牛腩飯 得一舊牛腩其他全部係牛筋 問員工 個員工竟然答我牛腩淨返好少嘛我都係想食到我想食既野啫有咁難咩？ 無牛腩咪話賣晒咪叫我嗌第二樣囉 比一舊我算係點 香港咁多茶餐廳 呢間都算係我食過服務差到極點再嚟皮蛋瘦肉粥 係咪當我地無食過皮蛋瘦肉粥！煲湯既肉渣當瘦肉？ 又唔銀係好食！以為茶記會好啲 多啲款式食 點知仲慘過食大家樂大快活 嗌個樣都唔係個樣餸唔怪之得無生意喇！以後都唔使指意再幫襯！香港地有多幾間呢啲劣食店真係好慘住喺附近嘅街坊真係好不幸！…查看更多

食品只是一般，不難食，街坊食肆，不會太大要求，只想講的是員工的服務態度.一碟油菜食時覺得有油膱味，跟其中一個阿姐說，叫她跟進下，但拿走後跟另一阿伙記阿姐說「多鬼如，個個都係咁食，落單時叫走油咪得囉」我聽了說，油是有油膱味，不是走不走油的問題，她不屑一顧，最終是換了一碟給我. 這個阿姐的態度真的不要得. …查看更多

兩個人10點幾去食早餐，朋友叫咗，到我叫嘅時候，叫A佢話冇，叫B佢話冇 ... 連續揀咗3樣嘢佢都話冇，跟住阿姐華麗轉身走去撳電腦出單，大聲加句「我要食飯呀！」。我話「我未嗌完喎...？！」但佢冇理我，就擺咗張得一個餐嘅單喺我地兩個人嘅枱面。我地O晒咀，呢啲係咩服務？！然後諗住望下其他食客，尋求憐憫目光，就見到有三個阿叔，舉晒手落單都無人理，我地互相露出一絲共鳴的苦笑。原來阿姐餐飯係重要過你嗰餐！可能之前上得新聞多，名氣大咗，唔愁無生意啩。…查看更多

由於「坪石邨」粉麵飯食店「彬記粥麵美食」在最近因為遇上「新冠肺炎」疫情，而曾經關門休息一段時間，所以我重臨「彬記粥麵美食」之時，發現店門已經設置檢查體溫裝置，還擺放手寫訪客登記表格和收集箱。不過現在「香港」跟大部分食店，在風頭火勢的嚴峻環境底下，這些措施其實都只是亡羊補牢的補救防範工作而已，真正到食店實際生意實際幫助有限，只能夠勉為其難，作出自保措施。之前幾次光顧「彬記粥麵美食」，都主要是享用「彬記粥麵美食」廚房師傅製造的「滑雞飯」跟「牛腩飯」，相對之下比較少享用「牛腩」粉麵食品。所以我今次就選擇了，享用「彬記粥麵美食」價錢比較昂貴一點點的「柱侯牛筋腩撈麵」食品，顧名思義「柱侯牛筋腩撈麵」裡面有很多足料「牛腩」，也有非常多口感煮得很軟腍，含有大量黏性「骨膠原」的「牛筋」。實際口感被「彬記粥麵美食」廚房煮得非常軟腍的「牛筋」，由於「牛筋」表面佈滿了「骨膠原」，所以我食完「牛筋」之後，第一時間需要使用紙巾抹嘴。「牛筋」裡面的黏性「骨膠原」，還滲透進入「柱侯牛筋腩撈麵」的彈牙「幼麵」麵條裡面，令口感有少許韌性的「幼麵」麵條裡面食到少許「柱侯」醬甜味，以及油膩的感覺。由於「彬記粥麵美食」「柱侯牛筋腩撈麵」實際製成品裡面加入了油，方便撈勻幼麵麵條和腩汁，所以實際口感在所難免地會少許油膩，需要喝碗湯解油，一碗清甜和少許鹹味大地魚湯正好大派用場。至於「柱侯牛筋腩撈麵」裡面的「牛腩」質感，由於一早已經被「彬記粥麵美食」預先煮到頗為軟腍，所以「柱侯牛筋腩撈麵」實際口感跟「柱侯牛筋腩飯」或者「柱侯牛筋腩湯麵」一樣，都是腍到入口即化的狀態。至於「彬記粥麵美食」廚房在「柱侯牛筋腩撈麵」裡面使用的醬汁，都只是採用質感比較稀，味道比較甜的「柱侯醬」醬汁，而沒有使用味道比較鹹，質感比較稠密的「蠔油」。所以「彬記粥麵美食」「柱侯牛筋腩撈麵」的實際製成品口感裡面，雖然充滿來自「骨膠原」的黏性，但是「柱侯牛筋腩撈麵」實際味道卻沒有變得太鹹，只是「腩汁」味道濃度未算最濃而已。而且「彬記粥麵美食」廚房已經為「柱侯牛筋腩撈麵」實際製成品，預備口感十分爽脆，質感新鮮的水烚「菜芯」，「菜芯」沒有沾上太多醬料調味料，所以「菜芯」實際味道比較清淡，沒有太多醬汁鹹味和甜味。至於「彬記粥麵美食」「柱侯牛筋腩撈麵」實際製成品份量，可能因為食店曾經因為疫情而被迫關門休息，導致實際光顧食店的食客數目不多，亦令食店製作的「柱侯牛筋腩撈麵」實際製成品的「牛筋腩」份量明顯增加不少。我在享用「柱侯牛筋腩撈麵」期間，曾經跟「彬記粥麵美食」裡面的侍應和收銀閒談一會兒，知道食店因為之前防疫準備不足，例如食客如何正確利用檢查體溫裝置，原來食店裡面的人還未完全掌握。所以「彬記粥麵美食」在面對「新冠肺炎」防疫，和把關檢查措施上一時大意疏忽，導致食店不幸遇上「香港」「新冠肺炎」疫情而被迫休息，現在只能夠作出補救，汲取經驗教訓。不過這個防疫教訓，對「彬記粥麵美食」來說未免太過沉重了，所以現在光顧「彬記粥麵美食」的實際食客人數，已經沒有以前那麼多了，感覺蠻可憐，希望下次再幫襯時，食客會比現在多一點吧。…查看更多

「彬記」呢個名。 大家應該唔會陌生。 曾經一日喺電視📺出現無數次。 無錯。 坪石邨彬記就係第三波疫情爆發群組嘅其中一間餐廳。 好啦。 見第三波疫情後重開。都食過一兩次。 以為會比疫情前員工同老闆都更注重衛生。 直至今日佢再次令我改觀。 由於政府實施晚市堂食至晚上6:00。 咁唯有買外賣拎走啦。 咁就叫咗一盒肉絲炒麵走九王拎走啦。 等咗大約7-8分鐘呀姐話👨🏽‍🍳👨🏽‍🍳大佬唔小心落咗九王。 呀姐就問我要唔要。 咁我唔食得九王。 對九王有敏感。 一食就嘔。 我就死都話唔要啦。 呀姐話叫👨🏽‍🍳👨🏽‍🍳再煮。 點就企喺舖頭外面等啦。 好多人應該都聽過唔好得罪👨🏽‍🍳👨🏽‍🍳大佬。 我等嘅同時。心知不妙。 但無諗過真係會發生。 當我一收到盒麵就即時喺舖頭張檯打開。 果然俾我估中。 👨🏽‍🍳👨🏽‍🍳真係加料。 將一張單放正喺個麵正中間。 我就即刻叫個樓面呀姐過咗睇啦。 呀姐過到嚟。好似完全唔覺得有問題。 跟著更精彩嘅事情就發生啦👀👀。 呀姐一手係我面前。 用佢隻手🤚🏿掂落我個麵🍜🍜到拎走張單。 然後老闆娘坐喺到完全無叫停個呀姐。 其實究竟佢哋知唔知疫情第四波持續有人確診成個月。係咪應該搞好啲衛生呢。機本上好多人都注重咗衞生。 而佢哋防疫同衞生意識都仲係咁差。 👋🏻👋🏻bye bye la彬記。祝你生意興隆。 重申：本人好小寫留言。 但今次真係令我不得不寫。 …查看更多