玉桃軒酒家 (鱷魚恤中心)

营业中

休息中

同honey响APM辦完年貨後，去鄰近食肆林立嘅鱷魚中心搵嘢食,。傳統酒樓都有好幾間，最終都係搵番曾經食過嘅玉桃軒酒家。原來裝修巳大半年，除咗保留門口一幅瑰玫花裝飾外，酒家入面果然換然一新，天花掛咗多盞大型水瞐燈，用圓形圖案屏風做間隔，光線十分充足。晚飯精選款式多樣化。點了個矜貴蟹肉竹笙燴花膠，侍應一捧上枱巳散發一股香噴噴花膠味，用料豐富，令我垂涎欲滴，急不及待要品嚐，，綿滑湯底富有口感。玉桃小炒王有韭菜花配搭多隻大蝦乾、三色椒、洋蔥同魷魚，係一味健康菜式，但味道一般。值得一讚重有碗簡單白飯，煙煙靭靭得嚟又好軟熟，一個人都可以食曬一碗。