影片
更多
2025-06-10
0 浏览
稚 Childhood📍元朗俊賢坊18號權益大樓地下3號舖大約3年前，我同初相識嘅朋友喺元朗呢間人氣小店食飯，當時除咗IG被瘋狂洗版外，亦有唔少元朗友極力推薦。闊別三年，店內嘅動漫裝飾越見精緻，亦多咗好幾套我至愛嘅作品嘅插畫，相信老闆們同我嘅taste都幾似。唔賣關子，稚嘅出品依舊高質素，食物水準穩定，客人亦絡繹不絕，屹立元朗多年，嚟過元朗但未試過嘅真係走寶！ 💰$94西京燒比目魚定食 🐠朋友一眼睇中西京燒比目魚定食，上菜時見到有兩大件比目魚扒，外皮經醬燒後香甜焦脆，內層魚肉滑嫩無比，西京味噌醬嘅獨特香甜同魚油嘅鮮美經燒烤後，香氣彌漫整個空間。比目魚厚身嫩滑，西京味噌味甘不膩，用入口即化嚟形容都不為過。每份定食均配有一款指定小食、前菜、漬物、煎茶、味噌湯同珍珠米飯。朋友揀選唐揚炸雞，口感緊實酥脆，紅黃漬物酸甜清新，剛好中和烤魚嘅油膩感。 💰$94蔥燒三文魚腩定食 🐟我就揀咗蔥燒三文魚腩定食，肥美嘅三文魚腩肉質滑嫩，油脂豐富，加上蔥燒香味，提升咗魚肉嘅鮮味。我特別欣賞廚師處理魚皮時候嘅用心，每件三文魚腩均帶皮無鱗，令人食得方便又放心。比起比目魚，三文魚腩更有油香，魚皮魚肉煎得微焦帶脆，三
📍元朗俊賢坊18號權益大樓地下3號舖
大約3年前，我同初相識嘅朋友喺元朗呢間人氣小店食飯，當時除咗IG被瘋狂洗版外，亦有唔少元朗友極力推薦。闊別三年，店內嘅動漫裝飾越見精緻，亦多咗好幾套我至愛嘅作品嘅插畫，相信老闆們同我嘅taste都幾似。
唔賣關子，稚嘅出品依舊高質素，食物水準穩定，客人亦絡繹不絕，屹立元朗多年，嚟過元朗但未試過嘅真係走寶！
[價錢 Price]
💰$94
西京燒比目魚定食 🐠
朋友一眼睇中西京燒比目魚定食，上菜時見到有兩大件比目魚扒，外皮經醬燒後香甜焦脆，內層魚肉滑嫩無比，西京味噌醬嘅獨特香甜同魚油嘅鮮美經燒烤後，香氣彌漫整個空間。
比目魚厚身嫩滑，西京味噌味甘不膩，用入口即化嚟形容都不為過。
每份定食均配有一款指定小食、前菜、漬物、煎茶、味噌湯同珍珠米飯。朋友揀選唐揚炸雞，口感緊實酥脆，紅黃漬物酸甜清新，剛好中和烤魚嘅油膩感。
[價錢 Price]
💰$94
蔥燒三文魚腩定食 🐟
我就揀咗蔥燒三文魚腩定食，肥美嘅三文魚腩肉質滑嫩，油脂豐富，加上蔥燒香味，提升咗魚肉嘅鮮味。我特別欣賞廚師處理魚皮時候嘅用心，每件三文魚腩均帶皮無鱗，令人食得方便又放心。
比起比目魚，三文魚腩更有油香，魚皮魚肉煎得微焦帶脆，三文魚控必食。
加多$10仲可將白飯升級貓飯，加咗牛油、日本醬油、木魚花同紫菜嘅升級版，果然更好食！
[價錢 Price]
💰$25/2串
雞皮串 🍢
小食雞皮串烤至外脆內嫩，微微帶膠質感，雞皮鹹香十足，搭配特製醬汁，真係好滋味。
张贴
