影片
更多
2025-04-14
533 浏览
太耐無行金魚街，行完唔知有咩食，都係打算求其入間茶記算，點知原來有間裝修到以前港式西餐，係食鐵板牛扒。入去裡面，發現原來係深水埗老店馬德里餐廳嘅分店。餐包呢度無用普通圓形西式餐包，真係港式傳統好甜嘅餐包，有以前嘅感覺。羅宋湯傳統港式味道，好多椰菜同西芹，配帶辣味嘅番茄湯特別開胃。忌廉湯Creamy但無咩材料，好適合點餐包食，唔搽牛油。整體都唔錯，但相比之下比較遜色。鐵板牛舌拼肉眼牛扒 五成熟 $158呢個鐵板，特登無落汁，不過熱度一樣，攞開好多墊底嘅薯條，一樣足夠將牛扒煎到七成熟。配菜有西蘭花同車厘茄。肉同一般港式西餐一樣，都有鬆過，不過唔會完全爛曬，都有保留牛肉嘅味道。呢度嘅肉眼牛肉味足夠，唔會太硬。但呢度嘅牛舌外層比較硬，但多左牛舌，只係多$10，算係咁。鐵板T骨牛扒 五成熟 $148T骨係將牛柳、西冷牛扒同中間連帶嘅T字脊骨原個切出，同時食到嫩滑嘅肉同有牛味嘅肉。 加入黑椒汁之後，有黑椒香味，可以帶出牛肉味。意粉+$10咁重懷舊氛圍，但都係俾普通白洽意粉，有啲可惜。凍檸檬水 走甜 +$4*2=8牛肉太油膩，飲走甜嘅檸檬水比較舒服。甜品今次甜品係黑加侖子味雜果啫哩，口感比較鬆散。呢
入去裡面，發現原來係深水埗老店馬德里餐廳嘅分店。
餐包
呢度無用普通圓形西式餐包，真係港式傳統好甜嘅餐包，有以前嘅感覺。
羅宋湯
傳統港式味道，好多椰菜同西芹，配帶辣味嘅番茄湯特別開胃。
忌廉湯
Creamy但無咩材料，好適合點餐包食，唔搽牛油。整體都唔錯，但相比之下比較遜色。
鐵板牛舌拼肉眼牛扒 五成熟 $158
呢個鐵板，特登無落汁，不過熱度一樣，攞開好多墊底嘅薯條，一樣足夠將牛扒煎到七成熟。配菜有西蘭花同車厘茄。肉同一般港式西餐一樣，都有鬆過，不過唔會完全爛曬，都有保留牛肉嘅味道。呢度嘅肉眼牛肉味足夠，唔會太硬。但呢度嘅牛舌外層比較硬，但多左牛舌，只係多$10，算係咁。
鐵板T骨牛扒 五成熟 $148
T骨係將牛柳、西冷牛扒同中間連帶嘅T字脊骨原個切出，同時食到嫩滑嘅肉同有牛味嘅肉。 加入黑椒汁之後，有黑椒香味，可以帶出牛肉味。
意粉+$10
咁重懷舊氛圍，但都係俾普通白洽意粉，有啲可惜。
凍檸檬水 走甜 +$4*2=8
牛肉太油膩，飲走甜嘅檸檬水比較舒服。
甜品
今次甜品係黑加侖子味雜果啫哩，口感比較鬆散。呢啲港式口味，必須要加花奶，完全復刻。
總計：$324
张贴
