Sky726

Halloween約左朋友去旺角呢間位於25樓既景觀餐廳食飯，一開lift門就睇到餐廳全景，吧枱，落地玻璃，夜景一覽無遺，係幾有feel既～本身好想食生蠔🦪，不過個職員話我哋8點呢一輪通常賣哂，好可惜🥔黑松露薯蓉好幼滑，松露味好香，只係份量細左少少🤏🏻🤏🏻香蒜蜜糖雞翼：好大隻嘅炸雞鎚，炸得啱啱好，同蜜糖味好夾👌🏻👌🏻焦糖低溫鵝肝：外脆內軟，入口即溶，配上超脆嘅多士好滿足👍🏻👍🏻辣豬肋骨：大約有四至五條，每條都算大條，一叉開就離肉，另外薯角炸得好出色😋🍤珍寶虎蝦意大利飯伴龍蝦牛油汁：虎蝦都算大隻，意大利飯偏硬身，個汁都香濃～野飲叫左杯朱古力mocktail，個樣好繽紛，入面勁多蜜糖星星🤣🤣