影片
更多
2023-03-17
48 浏览
《 觀塘工廈隱世日系和風喫茶店 》୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧名副其實嘅隱世工廈和風喫茶店，餐廳環境勁日系，勁似去咗日本嗰啲洋食屋咁，環境偏暗黃燈木系，有種溫暖嘅感覺！點解話佢係隱世？因為呢佢哋位於15樓，其實係要呢坐到去14樓之後再喺樓梯上面向上行一層，上咗去之後別有洞天，環境好大，但原來都唔少人食！原條蒲燒鰻魚炒飯第一次見鰻魚仲長過個碗，厚肉又唔多骨，肉質嫩滑又重魚鮨香。飯底預先炒過，飯粒粒粒分明，又有蛋碎粒同埋洋蔥粒做配料，夠哂鑊氣。極上牛山三文魚籽冷拉麵 $152極上牛肉卷成花嘅形狀，加上三文魚籽做dressing。牛肉五成熟又帶微微粉紅，咬開充滿牛肉肉汁。另外冷拉麵都幾彈牙爽口。北海道3.7牛乳松葉蟹腳鍋 $166奶白色嘅北海道3.7 牛乳湯底非常濃郁，松葉蟹腳都幾大隻又份量多，蟹腳肉質鮮甜又彈牙。另外鍋入面仲有多款蔬菜（冬菇、豆腐、金針菇），吸引哂牛乳嘅牛奶味，口感非常幼滑。日式他他醬吉列魷魚 $68外層炸皮好香脆，魷魚有嚼勁又彈牙，配埋日式他他醬真係好惹味。Tiramisu Latte (cold)Tiramisu放係高身嘅玻璃咖啡杯，面頭鋪滿朱古力
୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧
名副其實嘅隱世工廈和風喫茶店，餐廳環境勁日系，勁似去咗日本嗰啲洋食屋咁，環境偏暗黃燈木系，有種溫暖嘅感覺！點解話佢係隱世？因為呢佢哋位於15樓，其實係要呢坐到去14樓之後再喺樓梯上面向上行一層，上咗去之後別有洞天，環境好大，但原來都唔少人食！
原條蒲燒鰻魚炒飯
第一次見鰻魚仲長過個碗，厚肉又唔多骨，肉質嫩滑又重魚鮨香。飯底預先炒過，飯粒粒粒分明，又有蛋碎粒同埋洋蔥粒做配料，夠哂鑊氣。
極上牛山三文魚籽冷拉麵 $152
極上牛肉卷成花嘅形狀，加上三文魚籽做dressing。牛肉五成熟又帶微微粉紅，咬開充滿牛肉肉汁。另外冷拉麵都幾彈牙爽口。
北海道3.7牛乳松葉蟹腳鍋 $166
奶白色嘅北海道3.7 牛乳湯底非常濃郁，松葉蟹腳都幾大隻又份量多，蟹腳肉質鮮甜又彈牙。另外鍋入面仲有多款蔬菜（冬菇、豆腐、金針菇），吸引哂牛乳嘅牛奶味，口感非常幼滑。
日式他他醬吉列魷魚 $68
外層炸皮好香脆，魷魚有嚼勁又彈牙，配埋日式他他醬真係好惹味。
Tiramisu Latte (cold)
Tiramisu放係高身嘅玻璃咖啡杯，面頭鋪滿朱古力粉同埋Tiramisu，入口綿密充滿酒香。
Rose Strawberry Yogurt Smoothie $48
好有日本和式風格嘅Yogurt Smoothie ，口感好creamy，又加入左士多啤梨果肉，味道又唔會太甜。
如果唔想錯過其他好介紹，記得follow我呀😘
多謝大家！！！
张贴
