影片
更多
2022-04-25
818 浏览
今日好忙，做到無停手，收工唔想返屋企煮飯，有人提議帶我去佐敦搵食。原來一早做定功課，上網 Search 到呢間「盛記」，聽說店舖嘅粥麵做得很有水準，有口皆碑。餐廳地方不大，屬長方形格局，椅桌擺放得好整齊企理，以四人檯為主，牆身上貼滿美食照片，圖文並茂，令人食慾大增。先嚟一粥一麵，點咗盛記招牌雲吞麵 ($36) 同 甜口豬心粥 ($38)。雲吞麵做得好有誠意，淨係睇賣相已知對辦，湯頭清鮮，飲落有蝦籽嘅香同大地魚嘅甜。雲吞大小合度，有金魚尾，蝦肉爽口，肥肉甘香。麵條亦處理得宜，走鹼功夫一流，入口爽中帶韌。豬心粥即叫即滾，上桌時仍熱辣辣，粥底煮得非常綿稠，散發住陣陣米香。豬心爽脆不腥，食落好有咬口。凡以正價點粥、麵、飯或腸粉任何一款，可以用優惠價加配油菜、小食、飲品或糖水等，咁筍，當然唔可以錯過。揀咗蔥花蝦米炸兩腸粉 (+$30)、炸鯪魚球 (+$30)、雞蛋薏米糖水 (+$10) 同 熱豆漿 (+$5)。油條脆卜卜，外面嘅腸粉皮又薄又滑，配埋蝦米同蔥花一齊食，香口惹味！鯪魚球同樣高質，即叫即炸，既彈牙又大粒，入口帶果皮甘香，配蜆介食，別有一番風味！薏米糖水質素亦不俗，非常滑潤濃郁，雞蛋大大
今日好忙，做到無停手，收工唔想返屋企煮飯，有人提議帶我去佐敦搵食。原來一早做定功課，上網 Search 到呢間「盛記」，聽說店舖嘅粥麵做得很有水準，有口皆碑。
餐廳地方不大，屬長方形格局，椅桌擺放得好整齊企理，以四人檯為主，牆身上貼滿美食照片，圖文並茂，令人食慾大增。
先嚟一粥一麵，點咗盛記招牌雲吞麵 ($36) 同 甜口豬心粥 ($38)。雲吞麵做得好有誠意，淨係睇賣相已知對辦，湯頭清鮮，飲落有蝦籽嘅香同大地魚嘅甜。
雲吞大小合度，有金魚尾，蝦肉爽口，肥肉甘香。麵條亦處理得宜，走鹼功夫一流，入口爽中帶韌。
豬心粥即叫即滾，上桌時仍熱辣辣，粥底煮得非常綿稠，散發住陣陣米香。豬心爽脆不腥，食落好有咬口。
凡以正價點粥、麵、飯或腸粉任何一款，可以用優惠價加配油菜、小食、飲品或糖水等，咁筍，當然唔可以錯過。
揀咗蔥花蝦米炸兩腸粉 (+$30)、炸鯪魚球 (+$30)、雞蛋薏米糖水 (+$10) 同 熱豆漿 (+$5)。
油條脆卜卜，外面嘅腸粉皮又薄又滑，配埋蝦米同蔥花一齊食，香口惹味！
鯪魚球同樣高質，即叫即炸，既彈牙又大粒，入口帶果皮甘香，配蜆介食，別有一番風味！
薏米糖水質素亦不俗，非常滑潤濃郁，雞蛋大大隻，薏米份量亦好足，入口甜而不膩。
熱豆漿順喉香滑，甜度亦剛好，豆味好濃，豆香十足。
张贴
