影片
更多
2021-06-05
211 浏览
第二次嚟食，上次五點嚟唔使排隊，今次兩點嚟，帶着老人家，見到門口有大概十個八個人排緊隊，諗住都唔會要等好耐，所以一於排隊，等咗15分鐘條隊都冇郁過，以為食碗麵返枱嘅時間應該好快，不過可能真係太好食，地方又舒服，所以啲食客慢慢嘆⋯⋯等咗50分鐘，卒之可以入座。一坐低即點咗蝦麵、咖央多和青檸冰。第一次喺度食咖央多，餡好香，不過多士乾咗啲，麵包嘅質素一般，青檸冰都係覺得青檸味道唔夠，上次食娘惹叻沙，今次食蝦麵，同樣有賣相，料足夠份量，湯底好有蝦味，面頭有鬆脆嘅豬油渣，不過相對來講，比起娘惹咖沙就少咗啲complexity，麵嘅軟硬度剛好，整體都做得好有心，服務員態度亦都好好，廁所亦都好乾淨，不過要排咁耐隊就不了，等四五點嚟嘅時候就舒服好多⋯⋯ 食完去買廁所都係大概逗留左20分鐘⋯⋯
10 浏览
0 赞好
0 留言
5 浏览
0 赞好
0 留言
张贴
