影片
更多
2024-11-23
307 浏览
人均五百幾蚊就可以體驗到廚師發辦聽落係米好不可思議😂師傅會以"船槳送菜"感覺有點爽又覺得好過癮我形容為性價比極高既一餐！長阪12旬彩席間料理（12品）HK$468先付冬菇、胡瓜漬，以麵鼓醬調味，辣辣地既過癒又惹味。海膽豆腐好香滑，滲出淡淡海膽香味。磯煮鮑魚又軟又腍，口感極佳。八爪魚片口感彈牙，加左蟹籽作點綴，味道層次更加豐富。帶子鮮甜肉厚。另外，仲有我好中意既海葡萄，淡淡既咸度同埋口感，令成個菜式昇華！刺身擺盤好精緻，分別有鯖魚、蠔、藍鰭拖羅。鯖魚魚皮滑順柔軟，但帶著一點點脆。魚肉充滿豐富油脂感，質地細膩。蠔冇腥味，而且都幾鮮甜，仲要加上我最愛既海膽😍。拖羅肉質油潤軟滑，魚味相當濃郁鮮甜。鵝肝蒸蛋講賣相一定係一百分🤣！蒸蛋口感滑嫩綿密，鵝肝有份入口即溶既幼滑質感，兩者一齊食可以話係完美配搭。師傅以日式最中餅包住拖羅蓉同埋三文魚籽，外面薄脆，裏面既拖羅蓉幼細香滑，軟綿綿。三文魚籽滲透著淡淡醬油香味，成個口感好特別！旁邊既係玉子燒加入海鮮漿，口感好似蛋糕😳甜甜地，幾得意。燒豆腐外脆內嫰好多汁，豆味香濃！燒吞拿魚下巴魚肉充滿雪花油脂，入口即化，味道甘甜，係滿滿既骨膠原！！！炸天婦羅有兩款，分
聽落係米好不可思議😂
師傅會以"船槳送菜"
感覺有點爽又覺得好過癮
我形容為性價比極高既一餐！
長阪12旬彩席間料理（12品）HK$468
先付
冬菇、胡瓜漬，以麵鼓醬調味，辣辣地既過癒又惹味。海膽豆腐好香滑，滲出淡淡海膽香味。磯煮鮑魚又軟又腍，口感極佳。
八爪魚片口感彈牙，加左蟹籽作點綴，味道層次更加豐富。帶子鮮甜肉厚。另外，仲有我好中意既海葡萄，淡淡既咸度同埋口感，令成個菜式昇華！
刺身擺盤好精緻，分別有鯖魚、蠔、藍鰭拖羅。
鯖魚魚皮滑順柔軟，但帶著一點點脆。魚肉充滿豐富油脂感，質地細膩。蠔冇腥味，而且都幾鮮甜，仲要加上我最愛既海膽😍。拖羅肉質油潤軟滑，魚味相當濃郁鮮甜。
鵝肝蒸蛋
講賣相一定係一百分🤣！蒸蛋口感滑嫩綿密，鵝肝有份入口即溶既幼滑質感，兩者一齊食可以話係完美配搭。
師傅以日式最中餅包住拖羅蓉同埋三文魚籽，外面薄脆，裏面既拖羅蓉幼細香滑，軟綿綿。三文魚籽滲透著淡淡醬油香味，成個口感好特別！旁邊既係玉子燒加入海鮮漿，口感好似蛋糕😳甜甜地，幾得意。
燒豆腐
外脆內嫰好多汁，豆味香濃！
燒吞拿魚下巴
魚肉充滿雪花油脂，入口即化，味道甘甜，係滿滿既骨膠原！！！
炸天婦羅有兩款，分別係大葉小白魚同埋蓮藕。天婦羅即叫即炸，食物本身冇乜調味，可以食到本身既鮮味。靈魂一定係佢既秘製醬汁加蘿蔔蓉，甜甜地，令味道昇華！抹茶玫瑰鹽都不錯😉！
黃油燒北寄貝
北寄貝口感彈牙、爽嫩，牛油燒味道較香濃，最後仲落左柚子皮增香。
黑松露釜飯
松露控絕對會中意！米飯少黏性，粒粒分明。黑松露香氣濃厚，齒頰留香，令人回味無窮。
文甲魚湯
好鮮甜，仲要有蜆肉！
甜品幾有驚喜！店員使用泡泡煙槍，裝飾飲品，又靚又驚艷。熱情果梳打帶微微既泡煙燻味，清甜好飲。香蕉朱古力蛋卷味道濃郁。抹茶大福冰冰涼涼，絲滑又不甜膩。
张贴
