沙嗲王 (MPM文華商場)

沙嗲王係學生時期就會去嘅餐廳 但係出名味精多，所以我好少食因為本人對味精敏感。
上到去油麻地沙嗲王，員工都算幾有禮貌，碗碟都算乾淨，地下唔會好滑油淋淋 ，坐得都舒服不過冷氣偏凍。
豬頸肉OK嘅，但係燒得太多有啲苦味，同埋切得太薄，變咗冇質感，同埋肥膏偏多，唔鍾意食肥肉嘅千祈唔好叫，豬頸肉會附上一個泰式醬汁俾你，個醬汁非常出色，但豬頸肉好細舊價錢比較貴。
牛肉拉麵可以唔食完全唔得，拉麵過林牛肉太柴皮，個湯底正常但係都係好多味精，唔好飲就好啲，酥皮湯佢焗得好脆但係個酥皮好奇怪個味道有浸膠味，個蝦湯太多奶啦，同埋好油。
真係冇下次

豬頸肉  牛肉拉麵  酥皮湯

$190

行到攰攰地，見到好夜就想去沙嗲王度食嘢 所有嘢中等價錢唔貴，學生都可以畀得起，所以就算9:30都頗多人。 叫咗個牛肉拉麵仲有豬頸肉，其實豬頸肉份量好細，都要$100，不過佢切得好薄，但係燒得過龍有少少苦口，個醬汁好出色，有啲蔥喺裏面似係泰式醬汁。 拉麵完全冇驚喜，牛肉太熟變咗咬皮咁，湯底濃郁不過好鹹好多味精，個拉麵太過腍唔好食。 酥皮湯個外皮都夠酥脆但係好大浸膠味，似係啲淘寶來貨嗰種感覺，都幾難食。 個湯就好大浸奶味，佢係蝦湯⼂係一個鹹嘅有蝦味嘅鮮奶，同埋都幾多油下次唔會再叫。

$190