沙嗲王 (MPM文華商場)

上完堂无意中行咗入呢个商场，唔打唔撞拣咗沙嗲王嚟食同朋友一齐食lunch，我叫咗麻辣牛肉豆腐锅应该系蟹粉豆腐锅嘅进化版，但系又有肉所以觉得好吸引，少少麻辣一入口好好食。送饭一流，俾咗劲大碗白饭我，一啖接一啖，最后差唔多成碗食晒剩返好少。上汤娃娃菜，觉得有啲小贵，但想营养均衡啲，所以都叫个菜沙嗲乌冬系朋友叫嘅，重花生味，乌冬份量唔算太多，牛肉个份量都普通最后两个人因为太耐冇食沙嗲王好挂住炸馒头就再叫多个炸馒头，一如既往好食。…查看更多

今日晏昼赶时间，求其入咗间唔使等位嘅餐厅嗌个铁板烧鸡扒太阳蛋饭。份量中规中矩，唔会话多到食唔晒，但又未至于唔够饱，女仔食就刚好，男仔可能争少少。块鸡扒睇落几靓，煎得香口，咬落去都算嫩滑，不过腌得唔太入味，啲咸香唔够突出，好在个铁板够热，唧啲酱汁补救下都还可以接受。个太阳蛋就值得一赞，煎得靓仔，蛋白嫩滑，蛋黄流心，捞饭食真系一流。整体来讲，以呢个价钱嚟计，算系合格有余。唔会话好惊艳，但绝对系稳阵之选，经过附近唔知食咩好，可以一试。…查看更多

喺 foodpanda 上面叫外卖，以前沙嗲王质素冇咁差，但越做越衰，依家仲要连卫生都出问题！！！🤮🤮🤮唔好怪冇生意冇人帮衬，而且价钱唔算平。会向食环署投诉！！！！…查看更多

沙嗲王新推出酥皮日本浓虾汤，个皮正正常常，但系个汤同饮水有咩分别！浓虾汤冇虾味！饮落去粟米味仲多过虾味。有水味添！$18都算系正常价嘅，如果好味嘅话。其他正正常常。不过睇唔出佢服务有几好😅收加一。建议大家唔好嗌酥皮日本浓虾汤！今日个汤真系少伏！希望迟啲会好饮啲！…查看更多

其实我好少食沙嗲王，有一日同朋友去唱K田谂住食啲嘢，所以近近哋去咗沙嗲王。由于我唔系咁钟意食饭嘅关系，所以冇叫到佢最稳阵嘅招牌𠮶啲白咖喱饭，叫咗一个牛肩胛肉冬阴功汤面，我真系非常唔建议你哋叫呢个汤底，比较淡味，应该叫沙嗲汤底会好啲。个面我拣咗日式幼面，都系麻麻地，我谂主要系个配搭嘅问题，应该有第二款好食啲嘅嘢。🤣😩…查看更多