胡同 (已搬遷) 新店位置

趁 restaurantweek 周圍搵食，好耐無食中菜，於是book咗尖沙咀 胡同 試試，其中一個因素係可以望下維港景。Lunch menu 前菜選三款，主菜兩款，主食一款，另有甜品。前菜正常，主菜叫了黃金蝦、炒牛柳、乾煸四季豆同上湯時蔬。牛柳夠腍但無乜味，但個時蔬真係......一pat翡翠豆曲hea喺隻碟就上，張相影時，碟菜係無郁過......至於主食素餃會好過炒飯，炒飯偏油，個人不太喜歡。片皮鴨是因為口痕所以另外散叫的，半隻四百幾元，片兩嘢就片完，略貴，不過皮夠脆，全日最喜歡菜式。我是周五下晝一點半去到，唔多人，唔會好嘈，望住個海食飯係正嘅。餐廳裝修也很有特色，讓人感覺真的身處胡同中。