盛記粥麵

营业中

休息中

口痕痕見自己有一排冇食雲吞麵粥品， 就去咗佐敦盛記買外賣。點咗雲吞撈麵、炸兩、蘿蔔豬軟骨飯、鮮蝦腸粉、同埋海蝦艇仔粥。雲吞撈麵食得出係傳統廣東嘅雲吞撈麵味道，d雲吞好有細絨feel，唔係話好大粒，而係一啖一粒，但入面就超鮮甜好有蝦味，撈麵嘅湯亦都係傳統雲吞麵嘅味道，但係就比較鮮甜可能落咗好多骨同蝦殼蝦膏淆出嚟。海蝦艇仔粥粥底好綿，有幾隻海蝦當然艇仔粥嘅料亦都好齊，花生、魷魚、豬肚、魚片等等都有。炸兩超好味因為個腸粉包到油炸鬼每一分，唔會穿，點埋麻醬、甜醬食好正！蘿蔔豬軟骨都食得出淆咗好耐，因為兩樣嘢都入曬味，而豬軟骨都好有咬口。鮮蝦腸粉又係好好味，點埋佢哋嘅秘製豉油食絕對食到停唔到口，對於鍾意食蝦嘅我嚟講今餐真係好好味！