香港寧波同鄉會

营业中

休息中

早前已經聽過有朋友介紹此中菜廳，但一直無機會試，加上佢個名同地點都幾難令人聯想到佢係一間食肆，所以唔係有熟人話去度，都幾難會扚起心肝幫襯。今晚舊生會開會兼飯局，各人暢談湊仔經，但好似一講到餵奶大家已經無晒胃口，所以唔係叫好多。醉雞，沙窩雲吞雞，生煎飽同上素都有一定水準，但最有特色是一碟由一位祖藉上海同學所點椒鹽元蹄，紅燒我就食得多，椒鹽都係第一次試。上菜時發現係一隻大元蹄伴以炸椒葉，口感無紅燒咁肥膩，而且好惹味，不過真係太大碟，所以都係食唔晒，依個菜真係要人多先抵叫。久未露面主席堅持要請客，我們也真的盛情難卻，所以唔知餐飯幾多錢。